NLD Party Lawng Nih Phunghram Pi A Siamremh (Amemendment) Khoh Lai Tiah A Ruat Mi Cu Mihrut Taktak Nan Si Rel Dih Hmasa Law Comment Pe

NLD Mihrut Cheukhat Ruahnak: NLD Party Lawng Nih Phunghram Pi A Siamremh (Amemendment) Khoh Lai tiah A Ruat Mi Cu Mihrut Taktak Nan Si. Phunghrampi remhkhoh nak ahcun Pohmah 436 remh hmasa a hau. Union Hlutdaw MP 498 (Party 90 chungin MP) dihlah nih remhding in an hna tla zongah ralkap nih an vote lo ahcun an remh khoh hlei lai lo. USDP MP cheukhat cu Ralkap he an i kawp lai ti a fiang rih. MP 498 dihlak le ralkap Pakhat nih an hnatla lawngah 76% remhkhoh nak lam a um.

NLD nih rampi huap in Seat 498 (Full) dihlak a hmuh viar khoh lai maw. Naisai.
Acozah ser khohnak Seat 330 zong hei hmu ko hmanh sehlaw NLD seat 330 long nih Phunghram pi cu a thlen kho lo. Adang Party seat 168 (CNLD seat..?) le Ralkap seat 1 nih an dir pi lawngah remh khoh asi lai. NLD lawng nih a remh in a remh kho lo…

Phunghrampi Siamremhnak cu NLD, USDP, RALKAP, CNLD le Tlangcungmi Party etc.. hnatlak nak in remhkhoh mi asi lai. CNLD kan dirkamh ahcun Union Hlutdaw level ah phunghram siamremh le Federal kong chimnak caan a ngei lai.
CNLD nih zei a tuah kho lai lo tiah a ruat mi nih thuk deuh in rak ruat law a tha.

Chin Miphun Kokek Chin Party CNLD nih Chinram Acozah a hruai i Union Hlutdaw tiang Chin miphun ai-awh in a kan dirkamh cu ziah nan duh lo. CNLD Vote Caan A Cuu Rih Lo Nan ti Hoi. Khurchung ah lut dih uh. Kum 50 maw kum 100 ah maw a cuu lai. Atu hi Tlangcungmi kan ca koah caan tha caan rem asi hih. Pupa rosung kan ram le kan miphun dirhkamh caan asi cang. Patriotism (မ်ဳိးခ်စ္စိတ္ဓာတ္ ) ngeih caan asi cang.

Chinram NLD Mp zong Kawl ansi hlei lo kanmah Chin (Laimi) ansi Kawl Party ansi hlei lo nan ti rih chap bei. A dik pah nain Kawl hnuzul Kawl ruahnak in an kal caah Kawl Party kan ti hna. NLD Baho ah mi zei Chin Pa dah aa tel? Phunghrampi siamremh dingin Articles 3700 leng an khawmh suat mi hi cheukhat nih cun nan i fiang lo. Phunghrampi an remh lio asi tiah a ruat mi nan um. Phunghram pi remh dingin hnatlak tuahmi asi lo.

Phunghrampi siamremnak committee 45 an thim mi asi. 436 pohmah siamremh hmasa lo ahcun zeihmanh a si lo. Hngakchia lentecelh bantuk asi. A herh lomi rian NLD i a tuanmi asi. Sakah hlan chawl phah bantuk asi. CNLD nih zei a tuah khoh NLD nih zei a tuah khoh ti cu tuak ve ko uh. NLD long nih zeipoh a tuah khoh lai ti ruahnak cu hruh taktak bia asi. Credit: Jacob R. Thang