NLD Nih No Than Kap An Tihning A Langhnak Cu No Than Kap Aa Zuam Lonak Hmunhma Tiangah No Than Kap Vote Na Pek A Si An Ti Cang

Hmuhning

NLD nih No Than Kap an ṭihning a langhnak cu No Than Kap aa zuam lonak hmunhma tiangah No Than Kap vote na pek a si an ti cang. CNLD kan ṭanh i vote kan pek hi No Than Kap, Zo Zam le Ngai Sak kan ṭanh hna a silo kan miphun kan dawt i kan ṭanh caah a takin kan Chin miphun minin kan dir a si deuh. NLD ah vote na thlak khi Suh Kyi caah na thlak lo.

Nain No Than Kap zei tlukin NLD pawl nih an ṭih i Independent le mi cheukhat nih CNLD that lonak le lihbia an puhnak khi an ṭih hna caah an sual kawl in ṭang an lak. Santlai lo Chinram tiin santlai mi Kawl Party fuh cu zumhtlak lo zuangzam nun a si. A ngan le a ṭhawng deuh le min ngei cia lawngah i kop si loin santlai lo le a hme i a ṭhawng lomi tthawnter hi pasal rian a si deuh. Laimi le Laimi kan i velh i Kawlpa bel cu kan ṭih bantukin Laimi cu nan nek ngai i Kawl Party tu ah nan i benh.

Aa Fonh Mi Chin Party (CNLD) Hi Mizo Pawl Nih Zeitindah An Hmuh ...

CNLD a caan a cu rih lo nan ti lengmang, zei tikah a caan cu a cut kun lai? Ziah mah kutke tein dir a za cang lo maw? Kan ram tuanbia kan zoh ahcun Kawl uknak loin pei kanmah tein a rak i ukmi kan si ko tung. Ziah tu ah Kawl nih an kan uk lo ahcun tiah anmah Kawl cu kan bochan hna? Kanmah le kanmah aa bochan mi kan si a hau. Kanmah kutke tein dir dingin kanmah le kanmah kan sualnak kawl loin ttan ṭi caan a si cang cu ta.

Vice President Pu Henry Van Thio nih 2017 kum Christmas a tuah lai

A ṭhawng mi sinah va ṭang lengmang hlah a der mi na miphun a simi ṭhawnter tu i zuam. A dang Rakhine, Kaya te hna khi zoh hmanh uh kanmah tein aa uk kho le aa tawlrel kho kan si t’ fiang tein an theih caah anmah kutke in dirh an i timh cang khi. Miphun ttanhmi hna sinah NLD an i cuh ngam ṭunglo. Nain ṭanhmi cu um phung si ko nain san a tlai maw tlai lo maw na Nu a simi cu na dawt in santlai ah na canter cu a fa na rian a si.
A Sunglawi Tuk Hringhran: Daw Aung San Suu Kyi Nih Chinmi Caah ...

Tukum cu CNLD nih Chin Miphun kan hruai sehlaw NLD nih cunglei CEC kan nawl ta lai an ti i an nawl ngam hna lo i rampi budget hna in party zung sak le eihmuar le ziknawh vialte a tlau lai. Chinram ah NLD cu anmah nih nawl an ngeilo caah cunglei Kawl hruaitu pawl sinah than a hau i indirect rianṭuan a si nain Chinmi cu cunglei hal ta um loin direct in rianṭuan a si lai.

CNLD nih teinak kan hmuh cun NLD nakin rian kan ttuan khawh deuh ...

Chin Party pathum a rak si lioah i fonh hna sehlaw kan ttanh ngam cio ko lai ti si kaw an i fonh i ṭanh cu chim lo soisel le luthum ti a si ṭhan. Organization a nganmi ah cun Chairman le Vice 1 & 2 hna le Secretary le Assistant Secretary 1&2 pawl an tampi. Kawlram zong President,Vice President 1&2 an si ve ko. A chang chang in riantuan a si ko. Tutan thimnak cu midang bochan si loin kanmah tein aa uk kho le nawlngei kho kan si i kanmah kutke in a dir kho kan sinak kha fiang tein langhter cang hna u sih.

Na Miphun Sinak naa hngalh ko ahcun na miphun nakin midang cu na ttanh deuh lem lai lo. Caṭialtu: Salai Pa Thawng

Leave a Reply