Yangon ramthen Hluttaw palai pawl (The committee representing elected members of the Yangon regional parliament from the National League for Democracy (NLD) nih Ralkap Cozah a simi Military’s State Administrative Council cu Upadi Article 344 in taza cuai an timh cang hna tiah Irrawaddy News nih a tarlangh.

Sullam um loin le Upadi lonh in Yangon ramthen Hluttaw palai pawl, Vuanci pawl an tlaih mi hna ruang ah a tu bantuk in the Committee Representing Yangon Parliament nih taza cuai an timh hna hi asi. “Kan i timh bik mi cu Ralkap nih an ser thar mi Council pi hi a si. Taza kan cuai hna ding in kan i tim cuahmah. Ralkap an dihlak huap in taza cuainak kan tuah lai lo.

A ruang cu Kawl ralkap an dihlak in Min Aung Hlaing hruai mi Council lei ah an ttang dih tiah kan zum lo (Ralkap cheukhat zong nih hramhram uknak an duh lo tiah kan zumh) cu caah Min Aung Hlaing nih rampi uknak caah tiah Cozah a dirh thar mi State Administrative Council pi hi taza cuai kan timh mi cu asi” tiah NLD palai a simi Naw Susanna Hla Hla Soe nih a chim.

A tu hi the Committee Representing Yangon Parliament timi nih upadi ning in taza cuainak lam kan timhtuah cuahmah. A ruang cu Kawl ralkap le Police nih an tlaih mi hna Hluttaw palai le Vuanci pawl nihin tiang thlah an si lo. Penal Code Article 344 ning ahcun mizei hmanh suimilam 24 leng tlaih le hren a ngah lo (Police/ ralkap lei nih Sualnak nganpi an tuah timi tehteh an chuah pi khawh lo or an sualnak prove an langhter khawh lo ahcun suimilam 24 leng tlaih mi minung hren khawh a si lo).

A si nain Yangon ramthen Ministers pawl Hluttaw palai pawl an tlaih mi hna cu ni 11 leng an hren cang hna, zeibantuk sualnak dah an tuah, an thlaih hna nak a ruang zong nihin tiang an kan chim lo, cu caah taza cuai khawh an si caah taza kan cuai hna lai” tiah NLD palai Naw Susanna Hla Hla Soe nih cun a chim. Cu leng ah a peh rih mi cu “Atu hi kan timhtuah cuahmah lio cu a si, Ramchung biaceih zung ah taza cuai ding lawng si loin ramleng (Domestic and international courts) tiang ah taza cuai hna ding in kan i tim” tiah alanghter chih.

Zei bantuk biaceih zung sat ah dah Ralkap Cozah taza cuai an si lai timi cu a langhter lo nain ramchung Biaceih zung lawng si loin International Courts tiang ah kan phak pi hna lai tiah cun a langhter. Naw Susanna Hla Hla Soe hi kum 2020 rampi thimnak zong ah teinak a hmu nolh mi a si lawng si loin Karen Affiar Minister ah thim mi asi, cun a tutan the Committee Representing Yangon Parliament timi ah chungtel pakhat a si ve. Note: Hi thawngpang hi Irrawaddy News nih in a tialmi a si.