NLD Nih Cozah Atlaih Hlan Ah Pohma 261 Remh Ding Ah A Chimh Peng Ko Rakhine Kong A Thin Aphang Caah Aremh Duh Than Ti Lo-Video
What Will 2020 Mean for Myanmar’s Democracy? 2020 ah Kawlram Ramkhel Lamthluan Zohthan nak le Chimfian nak: CHIN VERSON: Kawlram Ramkhel damnak, Dindeih nak hmuhco nak, Ram thancho le ram nuam lei ah, Ram fimthiam mi le Limhang le Ropui nak he akhat mi miphun ah i serchuak kho nak hnga, caah Innkil lung cu Tlangcung mi hna le An Party thawng in asi lai.
Gilaed ah damnak sii a um lo maw? Khi ka ah Ram dam terru Siibawi an um lo maw? Hitin tah aihram na duh lo / nan duh cio lo ahcun 2020 kum ah Tlangcung mi Party hna power le laarv/ Lal nak pek nak lawng in asi khawh. Hi lam hi Kawlram Ramkhel mifim hna le Vawlei huap Ramkhel mifim hna nih an hmuh mi, an Philolosophy, Ideology le Strategic planning cu asi. Kannih Lai mi zong nih lungfim in mee thlak thiam cang ko sihu!
NLD Cozah Democracy Kalpi dan le Hmuitinh mi 3 cung ah hngat in: 1. Democracy dothlen nak lam: Tutiang ah a fil tuk rih. Hram acor kho rihlo. Hramthlak cu chimhlah. Falam holh cun a farah tuk hrih kan ti pei cu. Retheih Zonzai le Farah Democracy tiang lawng thlenpi theih tu NLD cozah. A hram afek kho rih lo. Democracy koko hmanh ah a ke afek rih lo caah Federal Democracy in cun NLD a kal kho ngai ngai lai tiah zumh ngam asi rih lo. Ruahchan le Hngatchan ngam asi rih lo.
2. Miphun hna le Phu hna karlak ah I remhthan nak: Mithmuh kut tawng kho mi ah aachuah kho lo. Thlarau thil mit in hmuh khawh lo mi i ruah chan bantuk in le Mithi khual tlawn btk in asi rih. 3. Dindeih nak le Remdai nak: A zual lei tu a panh lehlam. Rakhine in aathawk i Rakhine in 2019 ahcun adong.
ICJ Kong ah: Provision Measure hi Gambia nih 5 leng in an hal hna. ICJ cu biachah nak nawl lawng angeih i dantat nak nawl angeih lo. Lakhruak dantat nak in biachah le chah lo zong ah Security Council ah a kal ding mi asi. ICJ nih a chuah pi kha ding micu Tuluk le Russia lawng i bochan ding. Mikip e Ramkip he hawikom nak azor lai. Tuluk le Russia he lawng hawikom nak lawng asi kho. Hi hi athat lo tak mi cu asi. Ralkap le NLD zong an i nainiam deuh lai. Kawl miphun lawng cungnung termi Burmanization in an hawikom bak ahcun tulio si ninn nak in fak deuh in le zual deuh in thil akal khawh mi asi.Tlangcung mi hna akikam lei ah hlawtchin tu asi kho.
Upadi remhnak kong ah: Rakhine ral an thawng chin chin mi cu Mipi nih an i ruah chan ning in NLD cozah asi lo caah. Abikin Pohma 261 an remh piak hna lo caah. Rakhine mipi an lung adongh cang i dohthlen nak Ralkap ah an lut law law. NLD nih Cozah atlaih hlan ah Pohma 261 remh ding ah a chimh peng ko. Rakhine kong a thin aphang caah aremh duh than ti lo. Teitu ah Rakhine Party, Rakhine Cozah le Rakhine Ralkap tiah Rakhine lawng te si ding kha NLD nih a duh ti lo caah Pohma 261 aremh duhlo hi asi bik.
Tlangcung mi hna he i remh than nak. Raldaih / Kahngolnak. Dinndei nak hmuhco ding ah, Pohma 261 tal remh piak ding asi. Tlangcung mi hna zumh nak le hmuhco ding ah le Anmah he i remh than nak caah cun Pohma 261 an remh piak hna aherh. Thil sining 50% in ai remcang in akal lai i a tluang ngaingai fawn lai. Pohma 261 tal remh piak lo ahcun, kaa lawng in Federal Democracy au pi kha si ko. Tlangcung mi nih an zumh khawh ti lai lo. Mino hna lungdong in An ralkap ah lut in AA btkin thawn chin lengmang in dohthlen nak ahmual afak chin kho. A zual chin lehlam lai.
Tlangcung mi hna caah an lung dong bik mi cu NLD nih Democracy in kan kal ta lai timi le Ahohmanh he kaa fonh lai lo a ti mi hi asi. Tlangcung mi mino hna zawng an lung dongh termi bia asi. Aruang cu NLD nih Official bak in a thanh caah asi. Hi hi NLD nih a remh lo ahcun 2020 ahcun NLD tei nak hlan lio btkin hmuh ahar ngai cang lai.
NLD upa hna nih 2020 ah Tlangcung miphun hna sin ah teinak hmuh co ahar ngai ding mi hi an theih ko. Tlangcung mi party he i fonh le tlangcung mi duh mi Pohma remh piak le aupi cu a har ngai ngai. Hi nih hin mi hmai lei an ramkhel hi a vaivuan ter khawh. An ruahning bantukin asi lai lo. Remdai nak, miphun hna i remh tthan nak hrim hrim kha ruahchan awk a tlawn ngai ngai cang lai.
NLD nih cozah serkhawh tlak tiang in mee ahmuh lo ahcun: NLD policy nih Tlangcung mi hna le an party he kaa fonh bak lai lo ati mi hi a remh aherh lai. Tlangcung mi he aafonh lo ahcun Ralkap he i fonh a hau hnga i thil tha lo ngai ngai asi lai. Tlangcung mi hna thawngpang zong a daih ngai ngai. Kawl miphun hrim hrim an thawngpang a daih ngai (NLD le Pi Ci kongah) mi hi thiltha asilo. Tangcungmi hna zumh nak / bochannak / kha NLD le Pi Ci nih hlan lio bantukin hmuh co than an duh ahcun anbochan mi le anzumh mi tlangcung mi party le minung, hruaitu hna he i fonh law law hi a lam cu asi.
ICJ ah Pi Ci nih Upadi ning siloin / Politic timi Ramkhel ning in Ralkap cu a khumzual hna. Nain Kawlram ah Ralkap he an i namh ciammam than mi hi thil tha lo ngai ngai asi. Abikin Upadi remh nak ah Ralthawh bantukin le Ral doh bantuk in NLD le Ralkap an i zuang hnawh cang. Cucaah Ralkap lila nih hin Pi Ci aduh duh in mi ahlen hna i a mah duh nak poah ah thil a merh kho tu asi tiah an ti lehlam ahcun NLD le Pi Ci hi Ralkap rap ah i foih lai a har lodakaw. Nawlnak: Film in ngaih ve ding ah kan sawm hna. Saya Rung Kaw