“NLD le USPD hna hi Kawl party an si lo. Kawl ram pumpi huap party an si caah Chin mi a kan aiawk ko. Chin state ah NLD le USPD hruaitu hna le MP aa cuh ding mi hna zong Chin mi an si ko caah Chin mi kan party asi ve ko” tiah kan ti taktak ko ahcun Chin ram ah Chin miphun party (CNLD, ZCD, Mara party) hna um loin (NLD, USPD, UPD) party hna lawnglawng a um zongah a poi lo kan ti ko lai maw?

Note: Ramkhel party hi Institution pakhat asi. Dictator U Ne Win i MASALA chan lio ahcun One party system asi ruangah political party form khawh asi lo. Kum saupi chung Chin mi nih kan ra ngeih mi Institution pakhat (phun le phai he ningcang tein a dir mi bu pakhat lawnglawng kan ra ngei) cu Biaknak (Religious Institution) lawng kan ra ngei. Religious Institution lawng nih miphun a humhim, a dirhkam kho bal lo. Chin mi khua fakpi in kan ruah a herh ko cang. Credit: Pa Hmun

Salai Lungthli Tum caṭialmi rak rel chih; 2010 thimnak ah Chin party nih Pyine MP 18 lakah 10 bak an ngah khawh, USDP nih MP 7 lawng an ngah i ENDP nih 1 an ngah. NLD le Zomi party an lut lo. Chin party nih tukum thimnak ah 2010 tluk in teinak an hmu khawhnak lam a um bak lo timi cu a lungfimmi poah nih theih dih a si ko.

Atu ah ‘kanmah caan a si cang’ an ti than. 2010 ah cakei a tengh lai bang mipi ruahchannak sang tuk an rak pek hna, mipi zong nih an zumh ve hna i vote rak pek cio a si. Teinak zong an hmuh nain zei pipa an tuah khawhmi a um hlei lo.

Cucaah, ‘cakei ka tlaih lai’ tiah a chimtu poahpoah kha zumh awk an si lo, cakei tlaih ngam ding ah chizawh tal a tlai balmi a si maw timi an tuanbia zoh hmasa a hau. Mipi caah ‘ka caan dihlak pek in rian ka tuan lai’ tiah a chimtu poah kha zumh awk an si lo, mipi caah lakphak hrai khat tal a pe siang balmi a si maw timi an tuanbia kha zoh hmasa a hau.

Chin timi min an zuar ruang menmen ah Chin miphun an dawt khun tinak a si hlei lo, miphun le ram thancho nak caah zeibantuk rian dah a tuan bal timi an tuanbia zoh a hau, tuu phaw aa aihmi sahrang an um theu tawn. A ngaingai ti ah cun Chin miphun dawt lei ah cun Chin party candidate nih Dr. Hmuh Thang an tluk bak lai lo. Miphun min an zuar ruang menmen ah miphun a daw bik bantuk an i ruah khi an ningzah awk ngai a si. Salai Lungthli Tum