Tukum Myanmar ram pumpi thimnak ah Chin Party cu teinak a hmu mi “NLD” nih Federal Union a chuah khawhnak dingah an sawmnak cu CNLD zong nih lunglawm tein kan in cohlan hna timi cu lungtling tein an leh cang hna. Kaphnih karhlannak tu tlamtling hram ko seh.

 

Relchih: 41 County ah lih in vote an thlakmi minung pahnih an tleihmi hna kong an chimmi rak ngai ve. An timi cu anmah pahnih long an si lailo, Groups an ngeih ko lai tihi asi caah tutan ithimnak hi, zei caan arauh lai ai fianglo. minung 8000 caah anmah pahnih long an si lailo, pinah state dang zong an tuah ko lai.

Joe Biden nih cozah sernak aawt a timh ko zongah USA Suprime Court sangbik biachah le phunghrampi ning in akal te ko lai. Mi cheukhat state cu an votemi le an milu ai zat lo, 4% in vote a tam deuh timi an hmuh chuah cang. Cucu zeiruangah state pakhat vote athla kho dingmi mulunak in vote a tam deuh timi an zoh cuahmah lio a si.

Relchih: President elect Joe Biden cu a hman dingmi caah $ 6.3 million pek a si cang. GSA timi The General Services Administration hruaitu lutlai asimi Emily Murphy nih US president thimnak ah Joe Biden cu teinak ahmu ding ah ruah asi caah phungning tein cozah thar dirhnak nawl a pek cang, Culawng siloin Joe Biden nih 6.3million zong hmannak nawl a pek chih.

Hi konghe pehtlaiin Donald Trump nih a timi cu Emily Murphy le a hawi le hna nih phungning tein a harhmi vialte hna cu tuah colh ko hna seh, keimah le ka cozah zong nih aharh mi vialte hna cu kan tawlrel ve ko lai. Asinain kan buaipi mi thimnak vote result kong cu pehzulh in kan kalpi ko lai tiah
Trump nih phungning le phungam cungah thiltuah ai timhnak le a dirpinak kong a chim.

President Donald Trump nih Election cu a dih rih lo na’in, General Services Administration hna cu, Joe Biden lei Democratic pawl Cozah siamnak (transition) timhtuahnak lam an onh cang hna. Hi hi Michigan State Cozah nih Election ah Certification an pek hnu ah, Donald Trump lei Republican pawl nih an sawmnak asi. US President thimnak ah tubantuk Cozah transition tuahnak hi a biapi ngaimi asi. US Elected -President nih hin Cozah siamnak caah Phaisa GSA sinin a rak hman chung khawh.