NLD Lamthluan In Federal Democracy Kal Ahcun Lungding Sakap Thlir Bak Asi Ko Lai
Lungding Sakap Ve NLD Federal. Aki ah Nengpi, Ahnit ah Vomhnit, Aruh ah Pawpi ruhkhua, Afek ah Limfek, A ho ah Ngalhriang, Aphaw ah Sakhi phaw, Asa ah Sazuk, Aketin ah Mupi, tbk saphun hi Kanhawi Lungding khua nih kap an duh, Nihin tiang ankap khawh ve lo. NLD nih Federal Democracy Kalpidan: Phunghrampi kan remh ta lai, Kahdainak ngol ta in Raldaih nak kan tuah ta lai. Democracy in kan kal ta lai. Panglong Biakam tlinter ding ah kan I zuam ta lai. NCA timi rampupi kahdaih nak kan tuah ta lai. NCA hlan ah PPST, JICM, UPJC, NCCT, tbk meeting le hnatlak nak tampi kan tuah ta lai.
NCA ah Hriamtlai vialte an lut ta ahau lai. An lut duh lo ahcun Bilateral timi kap hnih kahngol chung nak kan tuah ta lai. Cu hnu NCA ah lut dingin kan lem hna lai. CNA in Federal ramkawm sersiam nak upadi kan i ceih hmasa ta lai. Cu upadi hna cu Hlutdaw hnatlak nak kan lak ta lai. Hlutdaw hnatlak hnu ah mipi hnatlak nak kan lak ta lai. Cu hnu ah Upadi le Phunghram pi kan sersiam lai.
Cu Phunghram pi cu mipi vialte nih hnatlak nak mee pek hnu ah Federal Democracy phunghrampi kan ngei ve cang lai. Federal cu phun phun a um caah Kawlram he aatlak mi federal phung in kal ding in Upadi le Phunghram pi kan suai ta lai, NCA cu kum 1 ah voi 1-2 hlei tuah kho asi lai lo. 2018 ah Voikhat hmanh an tuah lo kha. NCA ning hi a ṭha tuk ko nain Kum arau tuk. Atlawm bik kum 30 arua ding asi.
Midang cu chimh lo Kanpi nunnak nih azawh ti hnga maw ka ti tawn. Chinmi kan pu le CNF upa Hruaitu nunnak zong nih teh a zawh hnga maw kati ton ve keimah tein! NLD nihcun Miphun hna rualrem nak le I remhṭhan nak kan tuah hmasa lai. Nain Ralkap he lawng I remhṭhan nak an tuah. Tlangcung mi cu kan um ve hmanh antheih manh maw? Ti-awk in kan um.
Miphun tlukruan nak (Ṭan-ṭu-ye), ta-za-hmia- ṭa-ye, Upadi Su-mu-ye, raldai nak aum cikcek hnu ah, Democracy in kan hruai ta lai. Cutin Democracy in kan hruai chung ah Federal phunglam kan suai lai, tbk kha NLD target bik cu asi. Tlangcungmi he piatana daiter ding ah Raldaih ta aherh ti le Ralkap nawr in Phunghram pi remh kha Falam pa Sunday Zemlo tlaih in aatlaih peng I Ritdonh ah ahman.
2008 phunghrampi remh nak le Committe zong, Dundan le phung lonh in & Upadi Ningcang loin, 2020 thimhnak ah teinak hmuh ding le Tlangcung mihna zumh nak hmuhco ṭhannak caah a tuah. Pohma 457 lawng aummi kha Pohma 3765 an chuahter. Chinchap ah Federal Muiken le Thlarau asimi, Bahu pennak zawr ter le Pine ukpen nak Power pek nak rim a nam lo ee.
45 minung Phunghram remhtu le NLD upa hna nih Upadi remh dan le Federal kalpi dan Phungki Mitcaw (6) nih Vui an hmuh ning he aalawh ngai ngai. Vui hnakhaw atong mi mitcaw phungki pa nih “Vui tham cu sailawn asi ati” Ake tonghtu pa nih “Vui cu tung pei sicuh” ative. Ahmur atongh mi pa nih “Vuicu Rul pei si” ati. A ho a tongtu pa nih “Vui cu Vainam pei si” ati ve hoi. Atawme lei um mi pa nih “Vui cu zunghri asi” ati ve hoi ai.
Tiphul dan cun Bialo le Bialo pi bak an si. Dongva dancun Apa a tawng I Afa arit tbkin Ralkap nih Power an eidin I NLD upa hna nih an rit ti hna ka lawh ter pah ṭheu tawn. NLD lamthluan in Federal Democracy kal ahcun Lungding Sakap thlir thlir bak asi ko lai. Eibar achuak lai kazumh lo. Zohtuah! Federal in kan kal lai ati ko monih, 45 phunghram pi remh nak ah, Federal kong a mitsirh te tal in azoh mi Upadi a um ruam lo ee.
Pasal, Nusal, Kachim vekvek hnucun ka tuah bak lai tiah Kan Pi le NLD upa hna nih an ti lehlam ahcun, phundang in thil aamerh kho ve. Upadi remh le Law dang kha chiah ta rih ko. Bahu nawl ngeih nak zawr ter seh! Pine Nawl ngeih nak Santer Seh! Pine Full power pek seh Tamada nih Pine ah mah tein uktu thimhnak nawl pe seh, Ngunsawm tlukruan tein phawtzam nak order chuah seh a dih ko.
Phunghram pi ning in zungzal caah kan khelh ding mi ram le miphun kong aum bantukin Phunghrampi leng ah aummi miphun le ram caah ramkhelh ding mi hmaba rian antam tuk hrinhran. Cucaah miphun party aum hnawh chan cu asi cu. Kan Pi le Tamada hrim nih Federal in kan kal lai an ti ko caah Warmly welcome bak asi. Federal Hramthawk nak caah Cung I kan langhter mi (3-4) te tal khi an tuah maw? An zulh maw? Amakhan maw?timi nih Lairel te seh.
Mipi sin biachim nak lawng ah chimhrel cu Civui le conference lawng ah a pianthar mi Krifa an si ko lai. Lungding Sakap tu NLD le Cozah kan si ti nak hnga lo, 2020 tan ahcun mipi nih Cozah dang le uktu dang thlen ve caan kan cu tuk cang. Acaan luan lo tein, thimh zia thiam hram usih. Na kut ah nawl le power Sangbik aum lo tan te ah! Credit: Saya Rung Kaw