VOIHNIH THIHNAK LE ICJ AH NLD PLOICY: ‘Mithi Din Cia Pa Thih Chinchin Bang’ ICJ ah NLD cozah nih aphisin lo ahcun Kawlram ah atlungding mi Mangṭam hna: 1. Vawlei pi hmai ah Kawlram Ramkhel le cozah muisam Mangṭam 2. Ramdang he pehtlai nak Mangṭam. 3. Sipuazi Mangṭam Ṭhancho nak Mangṭam 4. Social timi luhmuzi Mangṭam 5. Fimcawn nak Mangṭam 6. Remdai nak Mangṭam 7. Zalon nak Mangṭam 8. Aphun phun Mangṭam, tbk tampi tlung kho.

Tuzan tadinca chimhfian nak 17 November 2019 02:33 ah U Zaw Htay nih ICJ ah I phisin ding ah kan I timh lo ati. Vawlei Upadi thiam hna nih ka leh lai lo ti loin “ Upadi ning tu in ka phisin lai” tiding deuh asi. Tulio kawl caozah tlaitu NLD hrimhrim hi Vawlei huap Upadi le phung ‘Internation laws, Rules & Regulations’ an theih lotuk lawman. Sivang ansi. Uite ek chuak an lawh. Zei kanchimh ti le zei kan tuah tihi an hngalh khawh hrim tawnlo. Hiti hin Kawlram ankal pi ahcun Mipi pei Horthukpi ah antla pi hna lai tiah an zai len.

Dr. Andrew Ngun Cung Lian zong nih Upadi ning in aphisin khawh lo ahcun: Ramdang he pehtlaih nak poah poah ah Mangtam atlung lai I, harsat nak tampi ‘Relcawklo’ aum cang lai a ti ve. ICC ah Kawlram cu alut lo ahman bak. Sihmanhseh law, ICC nih Vuaran ‘warran’ chuah cia mi kha Ramkhel ning in kan saing lo tikhawh asi lo. Kawlram tazazi zung Biaceih tikah “Upadi katheih lo ruang ah ka tuah sual” ti a ngah lo bantuk kha si. Kawlram case Upadi kip ah cucu an ṭial mi asi.

Kawl Sipuazi tama pamaw, Fimnak cawn duh mi pa maw, Ramdang ah riansang le rengsang a sawk mi pa maw, interview tikah nannih ram cu ahmuh mangtara phun 3 ngei mi nansi. ICC, ICJ, IOC ah nan sual nak nan phisin rih lo caah napuan tawm I lak law, nan ram ah kirko ne. Zeiti awk ṭha. Natha chia hlah. Naram cozah le uk an ṭhalo cu ta ti, kan si ve lai.

Kankhua ah Din Cia pa timi hi athi. Hnachep pa pakhat kha an chungkhat an va chimh ter. Hlan ahcun tlangbo teah dir in mi kha kawh le au asi. Mo puai sawm le tlangrian zong ah tlangbo teah dirh in kan au tawn hna. Cu kanpa hnachet pa nih hechet tiah an au len ko hna nain an hoi ballo. Cuticun voi tamtuk a auh hna. A au cuahmah lio ah mithi dar an tum thawng atheih.Kan au peng hna nain nan ka hoih duh lo caah kapu Cia Cia pa athi chin chin cang tiah ati hna. Thinhung ngai in arak ṭin i upa abuai hnawh rih hna.

Zatlak puichim nak voi 2 peh thliahmah tein kan tawn ahcun“CIA CIA PA THIH CHIN CHIN BANG” tiah kan khua nih tuanphung kan nei lan. NLD cozah akai lai i zeizongza tlamtlin kan si lai. Siangkiri cin kan si lai tiah kan chunmang, kan saduthah le kan i ruahchan nak vialte cu pakpalawng an si dih cang ai.. Tlaih khawh silo mi Bawinu va nih a fenh dih cang hna.

“Kahmuh cang tiah ka ruah tikah an nih an lo dih cang“timi ZBC hla tah kansa zung zal ko ne lai. Voi khat thih hmanh zaa lo in “Kan thi Chin Chin” cang. Aralai mi 2020 thimh nak tan ahcun lungfim ngai kan hau cang. “Kei kafapa hrin kum ah pulpi tlung” timi tuanbia kha atak in kan hluan cang kolo maw Unau hna. Theihternak: U Zaw Htay le NLD bak nih an chimh mi Film 2 ka chiah. Naamanh in ngai ve the.Lairam le Lai miphun dawvetu. Nan Unaupa. Saya Rung Kaw-Kawlrawn in.