NLD Cong Thaimi Ah Rawlcu komi CNLD nih NLD Cuk Rih A Timh: A tawinak in chim ko u sih. CNLD Tinhmi cu Chinram caah Federal hal le lak kha a si ko. NLD nih Ralkap uknak le nawlngeihnak zorter le hloh kha a si ko. Phunghram remh zong cu ai zuam cuahmah. Hi kan saduhthah pahnih pi hi kan Phunghrampi in a hung luang dingmi an si. Luang kho lo ding in Ralkap nih tawh an ken caah kan buai. Federal tihna sah awkah Phunghrampi chung luh hau a si. Hluttaw ah Federal mui le rim ai zel lo hi a tihna in a rak pit. Tihna fuh hau kan si cang.

Ralkap uknak le Nawlngeihnak tiva kuang tu cu a tiluh a rak ttha tuk ve. Phunghram tili nga le ti vialte cu Ralkap tikuang ah an luang dih. Phih hau a si. Kan kawlram Tlang cung tiang luang kho lo ding in tihna an kan phih zau i anmah lei ah an luantermi hi NLD nih a duh lomi le a dohmi a si. Phih a hau. Hi tawh hi NLD kut ah um selaw Tlangcung ram tiang a luanter vuaimai cang lai. Akut ah a um lo.

Khah! NLD nih a khelmi khi Tlangcung mi caah a si khih. Tawh kengku ah maw ruat cicet lai u ci. Hi tawh hi NLD ta lawng a si lo Pidaungsuh ta a si. Ralkap ta zong a si hlei lo. Kan ibawmmi tawh a si. NLD nih Federal an duh lo e, an chim lo ee.. ti hlah u. An chim lai lo. A chimtu ding cu Tlangcung party an si awk a si ko. Zeicatiah a luannak ding hmun lei nih Vaituhmui he Hluttaw ah pawh ve hau. Khi tik cu Phunghrampi remh le thlen hnu khin a si te lai. Phunghram remh hi NLD rian lawng a si lo. Rampi kan rian a si.

Remh khawh lai le lai lo cu hmailei thil a va si. Kan saduhthah tihna ah a pok tti dingmi pawl kan lung ai khah a hau. Isoi caan le ihuat caan a si lo. Lung i rual caan a si. NLD nih cong a thaimi hi ah CNLD zong thazaang i lak ko seh. NLD he congthai tti kho ding in. Atu bel hi NLD congthai cia ah rawl a cu komi CNLD nih NLD cuk nan i zuammi hi zeihme Laimi kan ruahnak. Kanmah le kanmah icuk viar hi pei Kawl ngian cu a si cu. Kawl ngian ti tikah Ralkap thluak khi chim duhmi a si.

Ziah Cuk awk cu loin NLD tu cuk kan i zuam hnga. Ramkhel thiam lo cu a poi kho. 261 hi Federal a s lo khih. Khi remhnak ah Rakaap he nan lun ai khahmi khi Federal ngaingai hau ti hna hlah seh. An i za ko la.’ ti an ruah caah dawh an ttan cuh. Ralkap nih Chinram an kan dawt tiah maw ruat citceet lai u ci. Ziah kawl nan huat ngai nain an thluak le ngian nan theih lo e. Za rih seh. Kan peh te lai. By: Charles Ram Hnin