Nizan chuih mi UEFA Champions League puai PSG le Istanbul basaksehir an chuih ah khuaruahhar ngaiin thil a cang. Minutes 25 hrawng an chuih ah players pawl nih an bawlung chuih cu ngol in kun (Stadium) chung in an chuah tak hna. An puai cu a rawk thai.

Hi bantukin thil a cannak a ruang cu Referee (dailuci) pa nih Istanbul lei player pa cu Minak pa (Negaro) ” This Black Guy ” tiah a ti ruang ah a si. Zeiruang ah dah Minak pa na ti (Why You Call Him This Black Guy) tiah an buai pi. Miphun sinak le sining thleidan a si caah Istanbul basaksehir players le riantuantu pawl nih an duhlonak an langhter i, Stadium cu puai dih hlan in an chuah tak. PSG lei zong nih Istanbul basaksehir FC lei nih duhlonak an langhter mi cung ah an lungtlin pi hna i, cu ti cun an team hnih, an dihlak in an chuak ve.

Hi bantukin miphun le vunrawng thleidennak thil cang mi hi a luancia mi zong ah a rak um tawn i, buainak fak piin a rak chuak tawn. Cu tikah nawlngeitu hna nih hmailei ah hi thil hi a um ti nak hnga lo biatak tein an rak i zuam. Miphun le vunrawng thleidennak biachia kha hi chim le hman a um ti nak hnga lo fak piin an rak doh. Atu tan ah miphun le vunrawng thleidennak bia a vun chuah tthan hi si. hi ka ah an buainak video zoh khawh si.