Nizan Esther Cungah A Cang Mi Le Amah Nih A Chim Mi: Myanmar Idol Season 4 Top 5 zuamnak cu nizan December 12/2019 ah tluang tein an tuah khawh. A hmasa bik ah Mooler le Aya Mya Phyu nih an sak hmasa bik i, Esther Dawt Chin Sung hi a pathumnak ah a sa. Zuamnak an ngaih hlan in Esther hi pumsa dam loin a um pah tikah a dam lo nak kong cu zuamnak an ngaih hlan in a chim cang.

Asinain zuamnak caan a phak tikah tthulh awk le a ttha lo, a dam lo buin a sak tikah Pathian um pi nak thawngin le mipi thazaang pek nak thawngin dawh taktak le ttha taktak in a sak tikah mipi le Judge tiangin an khuaruahhar dih. Nizan a hlasak mi kong he pehtlaiin Esther nih a chim mi cu mah tluk khan ka sak khawh mi kha keimah tuah khawh mi si loin Pathian um pi nak thawng le ka chungkhar hna nih an ka telpi nak thawngin asi,”tiah a chim.

Judge pawl zong nih nizan Esther hlasak mi kongah comment an pekmi cu, Pathian nih thluachuah an pekmi na aw zai hi nangmah zong nih ttha tein na kilkawi a herh’ tiah forhfialnak he thazaang cu an pek. Nizan Esther hlasak cu a thiam taktak khi si ko. Cu lawng si loin Benjamin Sum le Yaw Kee zong an thiam taktak. Atu tiangah Chinmi chungin minung pathum an i tel khawh rihmi hi lawmh ol awk hrim a ttha lo. Thazaang chuah in vote he dirpi rih hna usih.

Video- Credit: The Chinland Post