Yaw Kee: Keimah Pakhat Sungh Ruangah Midang Ngaihchiatter Ka Duh Lo. Nizan Myanmar Idol Season 5 result cu phun si tikah kan unau simi Yaw Kee cu sian lo ngaiin Top 5 ah a tla. Ruah lo ngaiin Yaw Kee a tlak tikah a fans hna le mipi cheukhat zong an lung a tling cio lo. Cu tikah Idol nih phunglam a ngaihmi Wild Card in Yaw Kee le Tan Khun Kyaw ah pakhat paoh auh tthan duhnak lungthin ngaih cio asi.

Nizan a tlaknak kong he pehtlaiin Yaw Kee biachim cu lunghmui kho taktak. A chim mi cu zuamnak asi bantukin a sung mi kan um lai i, a awng mi kan um lai. Cucu zuamnak timi asi. Nizan ka tlak ah khan ka ngaihchia tuk tiin ttap ning law keimah a ka ttanhtu hna zong ngaihchia in an um lai i, keimah bantukin a ttapmi an um lai.

Cu cu keimah nih ka duh mi le tinhmi si lo. Cun, keimah sungh-tlak ruangah midang ngaihchiat ter le ttahter ka duh lo. Cu ruangah nizaan ka tlak zongah nuam tein le lunglawm tein ka umnak si. Midang ngaihchiat tertu si loin midang lawmhnak petu si hi keimah ka duh bikmi asi,”tiah bia an halknak ah a chim. A tawi fiannak in lehmi a si caah tling tein ngaih duh mi nih a tangah video tawi kan chiah chih. A thinlung put uar um kho tuk.

Relchih: Zohcim lo Salai Yaw Kee. Tuzaan(13/12/19) cu chinmi chungin lung pical (puitling) bak ka timi Salai Yawkee ruahlopiin a tla diam ko! Wild Card in au than khawh cu a si, nain zei bantuk sining ah a dir lai cu chim khawh a si ruam ti lo! Sihmanhsehlaw Chinmi lungthin mitthlam ah philhkhawh lomi cawn-awk-tlak ngai2 a simi mithmai panh”mirh” peng khawhnak nunning na kan hmuhsak mi cungah kan ilawm hringhran.

Hohmanh nih ngeih a har bakmi a si, puicim sungzatlak ton lio ah panh hirhiar tein aa mirh khawhmi hi upat awktlak taktak a si. Na nunning cawn awktlak taktak a si mu Pa Kee. Na phun hawi nih kan in tuarpi, atangmi na lamthluan ah lununnak he Pathian nih lam in hruai chin seh.

Atangmi pahnih kan ngei hna ti chung ko uhsi law hital ahhin cun Falam ee Halkha/TT ee cu ee kha ee timi thleidannak hri kha chat in Khrih ah pumkhat laihritlai unau tafar kan si kha ihmuh than zau in kar kan hlan ko ahcun aa nuammi chungkhar kan si lai..Fb ah kan lungput a lang khun ii,remh awk tete irem cio dingin kawl cozah nih an kan nawl.

Salai YawKee a tlak cu ka hnarhno a ka tamh ko,pasal na lungput le na nunning kan icawnlen ve ko lai hih. Ca reltu nupa unau nifar nan dihlak cungah Khrih nih a ratpimi daihnak,remhnak le dawtnak cu pumpak chungkhar nan cung cio-ah a thar in “Ni” bang’n tlang camcin ko seh. Salai Tin Lian Hmung