Atulio Online ah athar in a hunglar ṭhanmi cu zeidah a si ti ah cun kan pale nih an buaipi ngaimi Holhtheihlo a um maw um lo? timi kong hi a si. Dr. Aung Myint Thang nih a timi cu Holhtheihlo hi a um lo lih a sinak Online fianternak voihnih tiang a tuah cang. Cun Holhtheihlo kongah debate tiang a ngamhnak kong a tarlangh bal i ahohmanh nih lehnak an tuah lo.

Dr. Aung Myint Thang nih holhtheihlo kong a chimmi cu Niuk Mualhlun nih lehnak a rak tuah. Zeitindah a chim tiah cun ” Keimah nih ka ngamh. Baibal in kan i ruah lai i cu hnuah hmaitonh khukbil in thla kan cam lai. Ka zumhning kan pomning a hman lo cun ka thi lai. A zumhning a pomning a hman lo cun a thi ve la. Cucu nan ngamh le ton khawh k a si. Hi ca a posttu nih rak chimh uh ” tiah lehnak a tuah hi a si.

Holhtheihlo kongah kan pale tampi nih an  hung ṭial cang nain a um le lo  hi fehternak an tuah kho lo. Cheukhat nih Original Grik Baibal ahcun a um ko tiah a timi zong an um ve i cheukhat nih holhtheihlo cu lih a si tiah a aupimi an rak um ve. Zeitindah na ruah vening a si. Holhtheihlo hi a um ko maw siloah holhtheihlo hi a um lo tiah na ti ve>