Nitlaklei Melbourne Ah Kum 16 Pate Misual 10 Hrawng Nih Nam In An Sawh Chinmi Zong Kan I Tel Ve

World News

Nitlaklei Melbourne Ah Thahnawnnak A Chuak Chinmi An I Tel. Nihin zaanlei 4:00 hrawng ah Nitlaklei Melbourne, Brimbank Shopping Centre, Deer Park ah misual hna kut in i thahnawnnak a cang tiah ABC News le 9News in theih a si.

Kum 16 a simi siangngakchia pate cu misual 10 hrawng nih an zuan hnawh i nam in an sawh caah a nunnak a liam. Hi tukvelhnak ahhin Chinmi zong an i tel tiah theih a si. Cun, hi siangngakchia pate thihnak kong he pehtlai in minung 6 tlaih an si cang I a tangmi minung 4 zong tlaih dingin palik nih an kawl lio hna a si. Chinmi hna kan i ralrin a herh! Tling deuh in kan rak tial than te lai. Chin Broadcasting Network

VIDEO timi hmehpiak law video um lai

Thawngpang rak rel chih:Chin party cozah an ser khawhnak lam a um bak lo. Chin State Hluttaw ah MP hmun 24 a um, cozah ser khawh ding ah MP 13 a herh. Ralkap nih 6 an lak cia. I cuh ding 18 a tang. Paletwa hmun 2 khi an i cuh kho lai maw a fiang lo.

Chin party CNLD khi Tonzang le Tedim peng ah an thawng lai lo, MP 4 cu NLD or Zomi party nih an lak lai. I cuh ding 18 ah 4 zuh ahcun 14 lawng bak a tang. Kawlmi tamnak Kanpalet ah CNLD an thawng lai lo, NLD nih hmun 2 ah 1 cu an lak hrimhrim. Mah pakhat cu zuh rih ahcun 13 lawnglawng bak a tang.

CNLD an thawn deuhnak ding Hakha, Thantlang, Mindat, Matupi, Falam le Paletwa(thimnak um lai maw a fiang lo) ah State MP hmun 12 lawng a um. Hi hmun 12 dihlak in CNLD nih an lak dih khawhnak ding lam a um bak lo. State Hluttaw nih chief minister thimnak nawl hmanh ngei sual sehlaw CNLD nih cozah an ser khawh ding cu a si kho rih lomi a si.

CNLD candidate pakhat khat nih Chinram cozah kan ser lai a ti ahcun zumh ding a si lo, lihbia a chimmi a si. Cozah an ser khawh lai lo nain MP an tlin ve ahcun mipi caah a tha ngai ve ko, Hluttaw chung in cozah an au hnawh khawh lai. Cucu democracy ram ah a herh ngaimi zong a si. Salai Lungthli Tum

Leave a Reply