Nithum Chung An Kawlmi Pu Ceu Mang Ruak Cu Hmuh A Si Cang Ti A Paamnak Aruang
BREAKING NEWS. Khampat khuami Pu Ceu Mang (50) cu a umnak Makota Cheras, Malaysia ah Pathian Ni chun March 7, 2020 ahkhan a hawi le minung 3 he sur vawrh le ruatuai khawrh pah dingin ram an chuak. A nih hi upa le mi thekvak tha deuh ah hmai tawn in a kal, ruatuai zong cu khawrh pah le meh kawl pah cun an kal cio hna. A liang ah sur i bah pah buin ti cu a tan, Pu Ceu Mang hi tithiam asi i hna ngam tein a hawi le he i capo pah bu cun ti cu a tan, ruah lo ah ti cu a rak hrah tukmi asi pinah tiherh bak a rak si i ruahlo piin a fenh i tiherh nih a pilpi diam ai!
A hawi le nih cun elaw. tiin an vun zuan hnawh ve colh. Asinain a pilhnak tiherh cu a rak thuktuk i zeitihmanh in a tawne hmanh an phan kho ti lo. Zeiti awk tha tiah a rannak in khua (Makota) ahcun zualko ah an hung tli colh, pumh chuahka te asi i pa paohpaoh nih a rannak in an hung tlik hnawh colh. An si khawh chungin an I zuam tualmal ko nain ti cu pee 20 tluk dengin a thukmi asi i ti a liam fawn caah a zeitihmanh in an hmu kho lo. A Thaizing ah Malaysia chanchuahtu Bomba pawl nih an vun zuanhnawh ve hna, Lai leiin tithiam kan unau hna zong nih an vun zuan hnawh ve hna. Asinain ti cu a zawr tuk rih lo caah chun nitlak an kawl ko nain an hmu kho hlei lo i khua a mui deng cang caah an tim tak.
March 7, 2020. Zingka arkhuang in Tlangval pawl thekvak tha minung 5 tluk nih hawi hlan ah kawl dingin an hun fuh hnasa I ruak cu ti cungah a rak vuai in an hmuh! A kut ahhin sur hri a rak i tem i sur tu cu thinghram ah ai ngerh i sur hri nih cun a rak tlaih. Malaysia chanchuahtu Bomba pawl cu aruak lak dingin an hngak hna I tuhi thatein an lak khawh cang. Tantakmi chungkhar caah thlacaamnak zongin bawm ko rih hna usih. Nan thlacampinak thawng in khuami nih kan hmuh khawh cang e. Credit: Chelsea Bawi