Nilen Parmawi a tuar kho hrim lo, kan i duh ka tein atu tiang nikhat hmanh kan philh caan um lo
Nilen Parmawi tuni Hniang 8|22|2020 ah amah pumpak Facebook timeline ah a darling he an hmanthlak taar in hitihin a taar,“Atu cun kum 2 liam cang, kan i duh ka tein atu tiang nikhat hmanh kan philh caan a um lo. Hi vawlei cungah hin rak um rih seh law cu, atu cun kan i duh nak kum 4 zong a luan ve cang hnga,” tiah a taar.
A luancia kum 2018 Myanmar Idol Season 3 hlasak zuamnak ah Top 5 a phanmi kan naunu Nilen Parmawi cu Myanmar Idol aizuam cuahmah lioah a darling John Mang Cung Ling(tleicia) nih ruah lo piin mual a rak liam taak. Myanmar Idol Season 3 aizuam cuahmah lio zong a si i a rak celh ve hrimhrim lo.
A dawtmi John Mang Cung Ling(tleicia) philh lonak hla ‘Going Crazy’ timi hla tiang a rak sak. Hi hla a darling caah a sakmi hla cu Chiapa 16, 2019 a rak chuak i Social media a rak linsa ngaingai. Cun, amah Nilen Parmawi hrimhrim nih a darling a philh lonak kong interviews an tuahnak le amah pumpak facebook ah azuuntlemnak bia tete a rak chim pah lengmang.
Nilen Parmawi cu a darling John Mang Cung Ling nih Pur 22, 2018 ah ruah lo piin mual a rak liam taak. A darling nih a liamnak in atu hi a kum hnihnak a si cang. A philh kho hrimhrim loh. A darling caah hla a sakmi le a hawile nih amah philh lonak caah tiin hla an sakmi zong a tanglei ah kan rak taar chih.