Nikum Malay Ah Thutdenh Nih Teinak A Hmuh I, Tukum Hakha Ah Nailon Hri Nih Teinak A Hmuh: Biak Hmun Sang nih Bawi Hlei a lak i Bawi Hlei nih nailon hri fek thup in aa tlaih, cu tikah Biak Hmun Sang tu a tlu. Cucu Biak Hmun Sang Cu sungh an pek. Video ah fiang taktak in hmuh khawh a si. Nain paih tlangtla nih video an zoh hnu zong ah Bawi Hlei tei an pek ko.

Minung kan si caah palhsual cu a phung si ko, nain video ah kan palhnak kan hmuh hnu ah cun kan palhmi kan remh tthan awk asi, zapi hmuh in a zermi pa kha tei pek phung a si lo. Hi kongah minung pakhat nih comment a pekmi cu nih chuak ngai zong si, a dikmi le si fawn. A timi cu Nikum Malaysia CND ah Thut denh nih tei nak ahmuh. Tukum Chinram CND paih ah Nailon hri nih teinak arak hmuh ve. Tuan bia dawhdawh atial tu chinmi kan rak si theu tawn hi ta.

Hi kongah nizan refree ttuanmi nih Biak Hmun Sang sinah ngaihthiam a hal. 2020 Halkha CND zatlang paih kongah nawl nak tuah ka duh, a hlei in tlangval Biak Hmun Sang ka ngaithiam, Bawi Hlei Sang nih hri aatlaih ka hmuh khawh manh lo caah tei ka pek sual mi si. Video zoh than ding ti ah le an ka tum ter hnu zong a si cang i video camera in thlak mi zong a um lo ca zongah a si fawn.

Halkha paih tlangtlak a har khun nak cu Video zoh colh awk a um lo mi le mipi buai kan hman tuk mi hi a har khun nak a si. Aa pai mi zong chimh kan ngaih lo ning le mi zapi zong hna kan hnawh khawh ning, kan thancho ve rih lo ning pawl ruah tik ah kan unau Naga pawl he cun tamtuk kan i thlau rih. Aa Cerpa