Falam in ttialmi. Trump Hma a Sawn Vivo: US Sihnichuk(AG) William Barr in Federal Prosecutor(acozah sihni) zate, FBI, thiltisual hawltu pawl, trilawknak sualnak zingzawitupawl cu Hrilawknak Diklonak zingzawi dingin thu a pe zo. Hi hin Dem le Media lam a lauter nasa zo.

US State-pawlih Sihnichuk 14 rori in Pennsynia thubuai cu Supreme Court ah thehluh an tum. Republican Chairwoman, Senate hotu le House ih Minority hruaitupawl ih Trump an dinpi eueu. Trump dodaltu Bush sungkua, McCain sungkua le Mitt Romney cun a keltein an sawisel. Asinan Republican party 95% cun Trump an dinpi.

Trump personal Lawyer Rudy Giulini cun thutheitu 50 lenglo kan nei zo a ti. Media-pawlin ,”No Evidence” teti piah ding um lo an ti ringring cu Evidence hi a tamtuk lam a si. Russia Collusion thuphan rori kum 4 sung Evidence um vekih autu Media hi thu ziangtinha kan lun thei ding tiin MP lar tak Jim Jordan cun a sim.

Ramdang Tlangbawi Mike Pompeo cu Fox thuthang latuin, “Biden acozah hlansawng dingah State Department in ziangvekin timlamnak nan nei?” tiin a suh tikah, “Trump term 2 nakah felfaiten kan ṭhawnaw ding” a ti ih Media le Biden lam ṭantu an mangbang nasa. Pompeo cun, “Ramdang tlangbawi ka si vekin hmun tin ihsin phone ka dawng. Dan vekih pek mi vote zate siar a si tikah Trump in a neh ding. Rinhlehnak ka nei lo” a ti.

Twiiter hin Final Result a suah hlanih President tling ti pohpoh kan phiat ding an ti ih Trump a tling ti lam poh an hlawn ih Biden a tling ti lam hmuah an hlawn lo. Facebook khalin Trump tlin theinak lam relnak pohpoh ah a hnuainah Biden a neh ding( Biden is projected winner) ti an ngan ringring. Media dang khal Vote diklonak rel ipiangin No Evidene ti an bet ringring. Hi hi Media an rintlak lozia a langfiang nasa.

Trump neh theinak lamzin hrekkhat: 1. Electoral College lole Election Board in nehtu a phuang(certify) ding a si ih thufel um hlanih media-pawlin an duhduh an rak phuang ve hi umzia a nei lo. Trump khalin Biden thawn kan zuamaw lo, a tluse mi Media pawl thawn kan beiaw tiin hrilawk hlan ihsin a rak ti dah.

2. Arizona ah Trump in Biden a man zik te. Vote 13000 lawngin an tanaw zo. Vote 65000 siar ding an nei lai. A man lo khal le an tanawknak a mal tuk cun an siarsal dingih vote diklo an hlawn cun Trump in a neh a zumum. Georgia hi an sialsal rero. Trump in a neh beisei a si.

3. N. Carolina ah Trump in a neh tin Decision Desk in a phuang zo ruangh EV 15 Trump in a co ruangah Alaska EV 3 thawn 232 a ngah zo. Arizona ih a neh cun EV 11 thawn 243 a si ding. Georgia kha Biden in 10033 lawngin a tan ruangah an siarsal ih Trump in a neh cun EV 16 thawn 259 a si ding.

4. Wisconsin hi Biden in vote 21000 lawngin a tan ih tu hi cekfelsal ih siarsal ding a si ruangah vote dik lo an hlawn cun Trump in a neh thei. EV 10 nei an si ruangah 269 a thlengso ding.

5. A buaibik cu Pennsylvenia(PA) hi a si. Dem lam hin PA ih an neh cun tling dingih an rak ruah ruangah hiti ruahmannak an rak neih hi a si. PA hin EV 20 a nei. State dan kalh in PA Supreme Court (Thuṭhentupawl hi Dem Governor ruat mi hlir an si) cun tlai hnu ih thleng siseh, Post hminsin um lo siseh, hmin milaw lo siseh pawm dingih a rel ruangah vote ting tampi a cingpen ih ruah a si. Biden in 45272 lawngin a tan ih vote ting 4/5 tiang hlawnsal a si zum a si. Tu hi Republican(GOP) AG pawlin US Supreme Court ih thlen an tum. A hlanah Supreme Court Justice Samuel Alito in tlai hnu ih vote thleng rethrang dingih thu a pek cu an thlun lo ruangah tu hi a remind-sal. Court in tlaihnu ih vote thleng cu a dik lo a si a ti ahcun Trump in EV 20 a la si mai. Cutin EV 289 lai hmu in a neh thei.

6. Cuhleiah Michigan a um lai. Michigan ah hin EV 16 a um. Vote diklo an thenfai cun Trump in a neh thotho zum a si. Cutin EV 305 lai hmu thei a si. Nb. Hitin a cang ding kan ti lo, a cang thei ka ti mi a si. Trump in a neh ding kan ti lo. Biden in a neh khal kan ti lo. An lamzin a bangaw lai a si. Repubican party hruaitupawl khalin dik le fel zetih kan sung a si ahcun kan sung a si. Hahdamten kan pawm ding. Asinan a dik mi vote siar thluh phawt seh timi hi an au hla a si. Ref: Lal Lian Zual & Meifar Thuthang