Nihin Yangon Khuachung Ka Chawh Cu Lung A Tha Hrim Lo

Myanmar News

Salai: Tuchun cu Yangon khuachung sandah piah tam deuh tawnnak “Hlaing Township Insein Rd- North Okkala- Tharketha- North Dagon- Thingankyun- Insein- Sule” ah ka kal dih. Ni dang he ai lo loh, sandah piahmi mibu pakhat hmanh ka hmu ti hna lo. Voidang cu mibu an um lo hmanh ah lampi an kham dih tawn, nain tuni cu lam ngan deuh an khammi pakhat hmanh ka hmu ti lo. Palek le ralkap nih an thianh dih cang.

Mi Yunn's tweet - "North Okkala, Yangon; More than 300 civilians were arrested by Junta till now. One person was shot at the pubic area and was in critical condition. Save North

Lung cu a tha lo ngai nain mipi mawhchiat awk um lo. Meithal in kah ding bawh peng ko ah cun chuah ngam ding a fawi lo cu ta. Caan a vun rau deuh lai i mipi kan thi a dai thai sual lai phan a um ngai. CRPH nih rianrang deuh mipi cawlcangh khawhnak ding lam thar an ser a hau bak ko cang, lamzawh le CDM lawng a za ti lo.

Myanmar protesters laugh off army claims of public support

Relchih: Aho dah kan ral taktak timi kan i fian a hau! An thil tuahmi a that caan ah ka thangthat hna, ruahnak cheuh a herh caan ah ka cheuh hna. Anmah tluk in ralkap cozah ka doh len ve ko. Ralkap nih kan tlaih hna sehlaw anmah nikhat thong an tlak lio ah kei cu kum 1 thong a tla ding dirhmun khi ka si.

An khuakhan mi sullam um deuh lo tiah ka ruahmi a um caan ah cun hmai zoh lo tein ka sawh piak tawn ko hna, ka soisel tawn ko hna. Mah ti zalawng tein i sawh piak lawng ah ‘check and balance’ a um lai i organization ningcang tein hruai khawh a si lai. Mah ti zalawng tein chimtel khawhnak ‘free speech’ hi democracy a muru bik cu a si. Cu a rem lomi cu dictator “aana-sin” kan ti hna.

Ka catialmi ruang ah a hlan tein aka hua tawntu Hakha lamzawh hruaitu cheukhat nih tuni kha tlerh le thihphaih in warning an ka pek. ‘Na nun himnak tiang an hnorsuan khawh’ tibantuk biafang tiang an hman. ‘Ziah free speech caah dothlennak a tuah cuahmahmi nih ralkap bantuk in minung pakhat menmen thihphaih le tlerh len ko cu’ ka ti i ka lungtha pah lo. Hakha nih puitling deuhmi hruaitu kan herh hringhran timi ruahnak aka ngeihter.

Khah kan ral taktak a simi ralkap dohnak tu ah thazaang chuah chin ko u sih. Keimah luala thihphaihnak ah nan caan nan pekmi cu a paam tuk. Mipi lei in lungtlin lonak an chimmi zong emotional thin hunnak i lak in ral ah ser colh loin ‘check and balance’ tuahnak tu ah hman khawh i zuam hram u, kan ral taktak ahodah si timi philh hlah u sih. Cattialtu: Salai Laungthi Tum

Leave a Reply