Kan Baa Tuk Ko- Kan Rawl Zong a Tam, asinain Kan Tuah Hrimhrim a Herh! Ralkap uknak duhlo lamzawh awkah Yangon khuahriang lei in zingka tein a tlawm bik meng 3-4 hrawng kee bak in a rak pokmi pawl hi zing rawl zong zeihmanh ei ta loin an i thawh tawn.

Yangon khuachung lamkam ah tirawl a hlutu pawl nih eidin phunphun an pek hna i atu bantuk hin mahle siaremnak lamkam cio ah i dinh pah in an eiding hna. Nauno aa hruaimi le zung rianttuan tampi an i tel bang in mino tampi zong an i tel hna.

“Kan tha cu a baa tuk ta. Hi bantuk lamhla hi kam kal ballo nain ralkap uknak kan duhlo ruang ah kan tuah hrimhrim a herh timi lungput he kan rak i thawh tawn” tiah Ywama ah a ummi nu pakhat nih a chim. Credit: The Chin Journal

Relchih: Dr. NCL cu Kawl Ralkap ruahnak petu (advisor) ah aa tel ruangah ti-in US rammi (citizenship) asi nak cu laak/hlonh (strip) piak dingin nawlnak (petition) an tuahmi social media chungah ka hmuh len. Cucu asi kho lomi thil asi. Kawl Ralkap a bawmh hna ti ruang men ahcun US citizenship sinak chuh tthan (denaturalize) tuah a ngah lo. Tuah phung zong asi lo. A lam zong a um lo.

Naturalized USC asi cangmi minung pakhat kha US citizenship chuhnak dingah an zohmi thil tete a um len ko. Asinain hika zawn ah Dr. NCL konghe pehtlaiin zoh a herhmi thil pakhat cu: tulio Kawl Ralkap (Myanmar Military) hi, US cozah nih ‘ramdang ralhraang buu (foreign terrorist organization) ah chiahmi (designate) a tuahmi asi maw ti kha kan ruah a hau. Kawl Ralkap cu ‘ralhraang’ cazin ah US nih a chiahmi asi lo. (Note: Mah ka ttialmi hi, a hoho va ttanh le ttanh lo a um lo. Kawl Ralkap a bawmh hna ti ruangah US citizenship chuh khawh asi maw, timi vun langhter sawhmi asi.) Van N Elizabeth