Nihin Khampat Ralhrang Sakhan Laaknak A Hnu Bik Thawng

Chin News

Khampat Khua SAC Ralkap Sakhan Laak Kahdohnak Ah CNDF Ralkap Pakhat Nunnak A Liam, 2 Hliam An Tuar. Sagaing ramṭhen, Tamu pengkomh, Kalay-Tamu motor lampi cung Khampat khuachung um SAC ralkap pawl cu November 3 thawk in tualchung hriamtlai phu nih an kah hna i, November 5 ni kahdohnak ah CNDF ralkap pakhat a nunnak a liam i minung pahnih hliam an tuar, tiah CNDF ṭuanvo ngei sin in theih a si.

“Ram le miphun ca ah nunnak a petu Salai Lal Pek Thang (kum 19) ruak cu nihin November 7 ah an laak khawh i an vui cang, hliam a pumi minung pahnih zong November 5 lioah an rak chanh khawh colh hna,” tiah CDNF in ṭuanvo ngei pakhat nih The Rihli Voice ah a chim. Kalaymyo, Yazagyo SAC ralkap sakhan le Tamu peng Khampat khuachung Wetthu sakhan cu November 4 ah an rak laak khawh.

Cu ni sakhan laak kahdohnak ah cun Tamu pengkomh Battalion 2, Special Battalion 2, No.1 hriamngan a tlaitu phu, ralram hmaikal hriamtlai phu, CNDF, TDA, RCDF le KNA-Burma hna an i bawm, tiah theih a si. Credit: The Chin Post

Leave a Reply