Nihin Kawlram Thil Cang Cu Thinlung Nih A Celh Hrim Lo

Myanmar News

BreakingNews: Lung a nuam hrim lo. Mandalay lamzawhnak ah nu pakhat le pa pahnih meithal kahnak in an nunnak a liam. Pa hi kum 37 a si i a thinhmaka ah meithal nih a khen. Nute hi kum 19 lawng a si rih i a lu ah meithal nih a khen ve. Mandalay ah hliamhma a pumi minung 20 hrawng zong an um.

May be an image of one or more people and indoor

Mongywa (မုံရွာ) zong ah meithal kahnak in minung 6 an nunnak a liam cang. Mongywa ah hin meithal kah a tongmi minung 7 an um. A dang pawl zong hi an hliam a fak ngai. Yangon, North Okkalapa zong ah pa pakhat meithal kahnak in a nunnak a liam i a dang minung 4 hliam fak an tuar.

May be an image of one or more people and indoor

Minchian khua ah kum 14 tleirawl pate zong meithal kahnak in a nunnak a liam. Salin khua palik zung hmai zong ah meithal in an kah hna caah pa pakhat a nunnak a liam ve. Nizan Kalaymyo lamzawhnak ah meithal kah a tong vemi tlangval pakhat zong nihin ah a hliamhma he a nunnak a liam, tiah thawng kan theih. Ref: 7DayNews Journal, Irrawaddy le T.C.J

Relchih: Hakha ah tuni ralkap uknak kan duh lo tiin lam a zawhmi nan tam taktak, uar nan um tuk. Hruaitu cheukhat nih live thlahnak nawl phih hlah ulaw Myanmar pumpi lawng si loin vawleicung nih an rak zoh ve lai i hmual a ngei chinchin hnga, mah vialte mino thazaang kha live thlah lo cu a pam taktak.

Hruaitu nan khuakhan kan upat ngai hna, nain live thlah nan phihmi belte cu nan hriamnam tha bik hmang zia nan thiam rua lo, nanmah hriamnam lila kha hmang loin nan phih tiah ka ruah. Live thlah hi mizapi caah tih a nung lo, mizapi caah ral vengtu CCTV camera bantuk a si lehlam. Ralkap le palek nih an tih cemmi hriamnam a si.

Live thlah ruang ah palek le ralkap nih kan umnak hmun an thei sual lai timi cu a dikmi a si lo. Anmah cu hmunkip ah minung an ngei dih, live zoh loin nan umnak fawi tuk in an thei khawh dih ko. Mino umkal cawlcangh ning zoh in nan i tonnak hmun cu thei khawh colh a si. Video thlakmi le hmanthlak zong hmual a ngei ve ko, nain live video kha a let in hmual a ngei deuh. Live thlah lawng ah atu acang cuahmah timi zapi nih theih khawh a si.

Video hmual a ngei lo deuhnak tette cu Hakha Post nih an thlahmi ah khan hmuh khawh a si, March 3 ti ding kha February 3 tiah an tial palh. Mah bantuk nih hin video cu kan duh ning tluk in hmual a ngeih lo hi a si. Live video cu anmah an hriamnam a si lo, lamzawhtu mipi nan hriamnam a si. Thaizing thawk cun rak hmang than cang u. Cattialtu: Salai Lungthli Tum

Leave a Reply