Bawipa nih an nu fa in lam hruai in umpi ko hna seh. Ngaihchia hrim ko, Benjamin Sum biachim mi ruah ah. Nihin hi Benjamin Sum a nu Pi Lal Din Par chuah ni (Birthday) asi. A tanglei bantukin Benjamin Sum nih hringtu a nu sinah lawmhnak le thzaang peknak bia a chim.

Benjamin Sum: NuNu, lungawi suah ni aw. Lungpi bangin i hnget tir tu, ka ziang kim ka nu. Hi lei tlun ah nun timi ziang a si ti ka theih hlan ihsin Ka tungding awk suak thei nak dingah. Ka hrangah na rak um ring ring. Ka lungawi tuk maw Nu Rin um takin na pek awk nak,

in duhdawt nak hin Humhimnak in pek Zin dik in hmuh tu Ziang vek dinhmun ka thlen khal ih in dinpi tu. Ka hrang cat lo ih thla in cam sak tu. Bawipa kan Pathian in famkim ten thlasuah lo pe hram seh. (Benjamin Sum Voting No. 77702 Myanmar Idol 2019 Season 4)

Relchih. Hnabeidong Hna Billy Graham Nih Thazaang Pek An Duh Hna: Ka hnabei a dong lengmang. A caan ahcun ka nunnak tiang nih ruah awk hngal lo tiang in a tuar caan a um. Ka tei kho tawn lo. Pathan sinah zong ah thla ka cam tawn i, Pathian nih zeimaw tiin luatnak a ka sialpiak te hnga maw ka ti tawn, asinain ruahnak le thinlung nih a phak lo tiang in vansang ka au tawn. Zeitin dah ka tuah lai? tiah Billy Graham sinah a hal.

Rev. Billy Graham: Hnabeidonghnak kan ton tikah ka khuaruahhar ding a si lo. A tuanh le a tlai lawng a si, kan tong cio ko hna lai. Kan Bawipa Khrih Jesuh vailam an tah ah khan a zultu hna kha an hnabei dongh cikcek in a dong. An ruahchannak vialte minmei tlau in a tlau dih. An van le vawlei vialte hlah maw a cim dih ti awk in an rak um ve ko. Lungretheihnak le thihnak zong in an rak khat. Kanmah zong kan lungre a thei i, kan hnabei a dong cio hna.

Jesuh nih atu le atu in a cawnpiak ko hna nain a zultu nih a biapi tukmi pahnih an philhmi a umk. Pakhatnak ah, thihnak nih a ka tlai kho lai lo. Pathian thawnnak in thihnak ka tei lai i, nunnak in ka tho than lai tiah fiang tein a chimh nolh lengmang ko hna nain an philh dih. Pahnihnak ah, Pathian nih a philh hna lo i, Thiang Thlarau in a um pi lengmangmi hna zong an philh diam. Jesuh nih ‘ngaktah bantukin kan chia hna lai lo; nan sinah ka ra than lai’ a ti hna (John 14:18).

Nan hnabei a dongh caan le nan thinphan caan le nan lungre a theih caan ah Jesuh biachim hi nan ruat bal maw? Pathian nih bia a kan kamhmi philh hlah u. Pathian nih an dawt hna. Nan sinah um zungzal i hruai an duh zungzal hna. Cucaah a luan cia kha zoh than hrim hlah u. Nan tonmi hnabeidonghnak, thinphannak le lungretheihnak kha zoh hrimhrim hlah u. Pathian ah i hngat peng ko. Ka hmailei caah zeidah a ka chiahpiak timi tu kha zoh lengmang. An deuh hrim lai lo.

A pahnihnak ah, Pathian nih an umpi peng ko. Jesuh Khrih kan theih ah hin Pathian nih zungzal in umpi hram a kan thok. Zeibantuk thil kan ton hmanh ah Pathian nih a kan um pi i, a kan philh hrimhrim lo. Pathian nih na tonmi a theih dih, na lungretheihmi a theih dih, na hnabeidonghnak vialte a theih dih. Cu vialte chungin an luatternak ding ah bochan peng a hau. An khamh hrimhrim lai. Jesuh nih pei, ‘vawlei caan a dongh hlan tiang zungzal in kan um pi hna lai’ tiah a kan khamh kha!’ (Matt 28:20) tiah biahaltu pa cu Graham nih a fianter. Ref: TCP.