Nihin Hakha Mino Cawlcangh Ning Cu Uar An Um Kho Tuk

Chin News

Hakha Mino nih Hakha Sii-inn an hrenh! Ralkap nih March 12/ chun 12:00 hrawng ah Hakha Sii-inn cu an luhhnawh i zaanlei 6pm:00 tluk ah Hakha mino nih Sii-inn Innka an hrenh” tiah thawng kan theih. Ralkap nih Hakha Sii-inn quarter ah a um i CDM a luut mi hna cu an thialter hna i sii-inn ah mizaw aa thlop lio mi zong an chuahter hna.

May be an image of one or more people and outdoors

Ralkap nih sii-inn ah hmunhma an laak hnu tlawmpal ah Hakha mino cu sii-inn ah chuak i quarter in thilter mi hna cu thil thial zong an bawmh hna. Sii-inn quarter in thialter mi hna an i thial dih hnu, zaanlei 6:00 tluk ah hi bantuk in Hakha mino nih Hakha Sii-inn kutka tawh an hrenh hi a si” tiah kan theih. Hakha Sii-inn ah hmun a khuar mi Ralkap hi minung 40 tluk an si lai, tiah ruah a si. Credit: Democratic Voice of Chin-DVC

Relchih: Hakha kan Sii Innpi cu ralkap nih an kan chuh ai. Ro cuh bantuk ah ka ruah. Lungthin nih a celh hin lo. Zeicahtiah Laitlang pumpi kan zawtfah caan ah kan fuhpanh ciomi Sii Inn a si. Nihin ah cun ralkap nih kan ram kan hmun cia ah kan Sii Innpi cu an kan cuh I Sii Inn riantuanmi zong an thawl dih hna.

CDM lutmi poh chuak uh an ti nain Sii inn ummi an dihlak ti awk an si ko. Mi zaw zong an zawt bu he inn an tin termi hna hmuh hrim cun ngungui thlak tah a phu. Ruah ah lungthin le Nunnak a ngeimi poh nih celhchuak si lo. Minung Chim lo kan lai vok le ar tiang an lung a fak hrimrhim lai.

Jerusalem vanpang a rawh bantuk khi a si. Kan nunnak kulhtu kan vanpang a si. A nung Kan khuazing Pathian nih a kan zoh sawh lai lo ti ka zumh. Sang Fen Sang Ling Nawl Tling le Van Lo hna Pathian nih kan umpi ko seh. Credit: Saya Tluang Ceu Thang

Leave a Reply