Nihin Hakha Kahdohnak A Hnu Bik Thawng Update

Chin News

Nihin Hakha Khuachung Kahdohnak Ah Tualchung Mi Pakhat Hliam A Tuar, Tualchungmi Zeimawzat An Tlaih Hna. Chin ramkulh, Hakha khua chung GTI pawng kahdohnak ah tualchung mi pakhat hliam a tuar i, tualchungmi zeimawzat an tlaih hna, tiah theih a si.

“Nihin November 7 zinglei suimilam 8:00 in Hakha GTI pawng hrawng ah kahdohnak a chuak i chun tiang meithal thawng a dai lo. Kahdohnak a daih tlawmpal ah rianṭuan dingin in a chuakmi tualchung mi pakhat cu an inn in a chuah tlawmpal ah SAC ralkap lei nih an kah,” tiah tualchung mi pakhat nih The Chin Post ah a chim.

Meithal thawng a daih hnu tlawmpal ah tualchung mi pa pakhat cu rianṭuan dingin a chuak i an inn he aa hlat lonak a phak ah SAC ralkap lei nih a ṭaang ah meithal in an kah. Chanh ngam loin caan saupi a um hnu ah an chanhchuah khawh i sii-inn ah an lanhpi, tiah a chim chap.

“Hliamtuarmi pa hi a ṭang in tleng lak an kah i a thi tamtuk a chuak nain Pathian nih a nunnak cu a zuah. Kahdohnak pawng hrawng ah a ummi tar le Rev. Hoi Cung Tum sianginn ah ca a cawngmi siangngakchia tampi zong SAC ralkap lei nih an tlaih hna,” tiah a dang tualchung mi pakhat nih The Chin Post ah a chim ve. Credit: The Chin Post

Leave a Reply