CNA nih Falam le Lungpi kar i ralhrang hna cu hriamnam pi voikhat bom an thuat hna i ralhrang hliamtuar Falam sizung ah 3 an thi cang tiah neih niam sin in kan theih. A hmun ril mi he cun zeizah hrawng dek an si lai… Atu tiang ah ralhrang minung 7 hmunril in an thi. An Motor pakhat zong an hrawh. Tu hi ralhrang cu hmai an nawr kho ti lo i an i tap thup ko ti asi. Kan miphun ralkap an him, thlacamnak in bawm cio hna usih.

Biatak tein kan ralkap hna caah le atu Falam-Hakha karlak ralhrang a doh cuahmah mi hna caah thlacamnak in bawm rih ko hna usih. Share in thazaang rak chuah ve Kan ralkap hna caah thlacam tu an tam lai. A herh ning in thawngpang update khawh kan rak zuam lai.

Thawngpang dang: Dawei District, Aukkyaukwut Khua Le Nyawpyin Khua SAC Ralhrang Nih Mei An Kangh Ṭhan. Tanintharyi ramṭhen, Dawei District, Launglon peng Aukkyaukwut khua le Nyawpyin khua ah SAC ralhrang an lut i inn an khangh ṭhan tiah theih a si.

Nihin Vaute 21 chun sml 12:00 hrawng ah Nyawpyin khua hi an khangh i chunhnu sml 1:00 hrawng ah Aukkyaukwut khua hi an khangh.Inn zeizat a rawh le a kangh hi a fiang in theih kho a si lo tiah theih a si. Zinglei sml 7:00 hrawng ah ti lam in SAC ralhrang hi an lut i hriamngan duhpoh in an kah, inn zong mei an khangh hna.

SAC ralhrang khua chung an luh caah tualchung mi cu kan zaam dih tiah khuami pakhat nih a chim. Kan hnu Vaute 4 lio zong ah Aukkyaukwut khua hi an rak khangh lawng si lo in SAC ralhrang nih an tlaihmi hna tualchung mi 6 hna zong hmunkhat ah an rak thah hna.