Ngaihchia ngaingai a si ko. New York Gov. Andrew M. Cuomo nih tuchun ah a chimmi cu coronaviurs a um ka in nihin tiang ah nihin 7 April 2020 hi a thimi an tam bik ni a si tiah a chim. New York state chung lawng bak ah hi zawtnak ruang ah a thimi hi minung 5,489 an tling cang tiah a chim chih.

Govenor nih a chim chihmi cu a tu tiang ah cun hi zawtnak ruang ah a thimi hi hitluk in kan tam ko nain ruahchannak cu a um ko. Hi zawtnak ruang ah sii inn ah a lut tharmi hi cu hlan nak in an tlawm deuh cang. A zorlei kan panh pah cang ko. Kan state zong hi zawtnak dohnak le karh tilo nak hnga caah a herhning in faakpi in kan i zuam cuahmah lio a si.

Kan sii inn hna ah kan i zohkhenhning kan mizaw ihkhun hna le rian ttuantu hna rian ttuanning hna zong kan thlen pah thluahmah hna. Cu zong nih cun tampi cu a kan tthathnem in kan thei. Cun mipi (midang) he i hlat in tthutdir khuasaknak zong nih tampi a kan tthathnem ti a lang. Hi social distancing hi pehtlai in kan tuah awk a si, tiah a chim chih. Ref: The New York Times