Timit- August 6 Update: Ralhrang pawl zahan zaan muika in khuadei lai minute tiang meithal an puah ,ni hin an umnak hmun in chuak ngam loin horkuang chungah an um i, an chuah sual ah tiah sniper he kan ralkap lei nih an bawh hna i, zaanlei suimilam 1 PM hnu lawngah minung pakhat a rak chuak i thi lak in an kah khawh. Halkha lei in 120 mm hriampi in kan ralkap an vun kah hna. Drone in bomb Pa (3) kanmah lei nih an tlak,pa(2)a puak, an cung ah Pa khat an tlak khawh caah hma pu cu an um lai tiah zumh a si. Credit: Salai Williams Hlawnceu

Thawngpang dang: CDF – Mara Nih CDM Pakhat An Tlaih: CDF-Mara nih nizan August 5, 2022, cawn ningani zan suimilam 10 hrawng ah Matupi peng, Lailenpi khuapi ah Pu Wakhaitha (Amin spelling ka palh kho men) cu a inn innka tawh an baoh hnu ah a inn chung an lut hnawh i an tlaih tiah Golden Five Stars Channel nih a tarlangh ning in theih a si.

Pu Wakhaitha cu Matupi peng, Aazu khuami a si i Hakha University ah rian a tuanmi a si i, SAC ralhrang hramhram uknak a duh lo ruangah CDM a tuahmi a si i, a chungkhat he Lailenpi khuapi ah zan a riah hi a si. CDF-Mara nih CDM a tuahmi Pu Wakhaitha (ဦးခိုထာ) cu a ruang um loin an tlaihmi a si i, an tlaih lio ahhin a fale hmai ah nawlngei ngaimi bantukin an tuk an velh pinah meithal in an hmuah chih i a duh naloin hramhram in an kalpi hna tiah amah himnak caah a min a langhter duhlomi pakhat nih a chim ti si.

Pu Wakhaitha cu Lailenpi in Lailente khua lei ah an kalpi I Aazu khua khuanu khuapa hna, biaknak lei hruaitu hna nih Chin nunphun ning in vok an thah i thlak piak ding an va nawl hna nain CDF-Mara hruaitu pakhat nih sakhan lei ah kalpi a herh dih a ti hna i, an kalpi than tiah Aazu khua khuanu khuapa pakhat nih a si. Laknak: Golden Five Stars Channel