Chin ramkulh, Falam khuapi Cinmual Sang le Tlanglo Sang i innhmun thar 245 tuahmi/samhmi cu mipi sinah pek cang dingin October 29,2020 ah hnatlaknak an ngei hna. Meeting cu Chin ramkulh CM Salai Lian Luai nih a hruai hna i biahmaiṭhi a chim hnu ah, innhmun thar mipi sinah pek dingin biachahnak an tuah hna.

Biachahnak an tuahmi cu, Cinmual Sang le Tlanglo Sang i Innhmun thar samhmi 245 cu November 2, 2020 zing suimilam 10:00 Am tluk ah mee tuah in mipi sinah phawtzamh ding a si cang caah innhmun thar a cotu mipi nih innhmun man cu ni 30 chungah Myanmar Economic Bank ah mah pumpak te kal in va pek dih ding a si lai.

Ni 30 chungah innhmun thar man an pek khawh lo ahcun Innhmun thar a hmuhco mi cu Acozah nih chuh ṭhan le lakpiak ṭhan a si lai. Innhmun thar leiah ṭuanvongeitu pawl nih September 7,2020 ah Innhmun thar hal duhmi hal khawh si tiin ca an pek dih cang hna i Innhmun thar a haltu hna hi minung 803 fai an um.

Innhmun cu A,BC tiah ṭhen a si i (A) man ah ting 20, (B) man ah ting 10 le (C) man ah ting 5 tibantukin Innhmun man cu ṭhen dih an si. Innhmun thar a haltu hna le a tingcotu hna cu November 2,2020 ah pek an si lai. Chirhchan: IPRD Falam

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, kan ca a kan rel piaktu nan dihlak cungah kan ilawm. Upatnak he Admin