LUNGFIIM I CHIMH NAAK : Kahawile lakahhin a tampi cu lungfiim ruah naak cheuh a herh mi kan um in ka thei i kavanlanghter. Minung cu palh a thiam thluh mi kan si caah nangmah zong zumhning naak ah na palh kho keimah zong ka palh naak a um kho timihi philh hna hlah usih.

Atu liao caan hi doctrine le bu ahhin buai caan a si ti lo. Azei bu pauh ah um law na zumhning naak ah a tlaulomi na si naak lai thlacamnaak in minih Pathianbia an chimmi le nangmah nih na zumhning naak kha a khiingthlai thiam law Trinity pa nih a chimmi bia asi ah Oneness pa nih a chimmi bia asi ah nangmah ah remhding a um mi asi ah cun rak i remh ciao ko u. Na doctrine le na bu kha zawngzangtlaih an chimmi bantukin rak i tlaihhlah na tlaunaak afaakchiin sual lai. Atu liao i debate an tuah lengmangmi hi na caa hrangah thilthatuk ah i ruat law Trinity pa zong Oneness pa zong an palh ve kho ko ti kha philh fawn hlah.

Mitampi cu an chim phuan hlaan bak in doctrine le bu ah an tanh tuk i a ho thla aa tei lai ti kha an conh hna,hiti a cuan tu hna hi cu an mah kha an rak tlautuk cang tinaak a si. A debate mi chungzongah an palh naak a um mi hna kha an i remh ciao awk a si.Cu ti i an i remh ciao duh lo ah cun Thlarau ah a mit caw rih mi asi ko i,an debate mi nih um ziazong anei lo ti naak asi. An doctrine kha zawngzangtlaih in aa tlaih mi hna an si dih i, teiduh lawngah aa debate mi an si caah cucu titsathil asi. Zeitikhmanh ah an i tei lai lo tizongkha philh fawn hlah.

A chan cu an zumh naak le cawnpiaknaak an chimmi bia kha an palh dih lo,palh naak an ngei ve ve lai,palhnaak a um naak pauh ah bia al naak a um mi asi. Thlarau minih cun dawtnaak lungthin in ruat set set te in bia a chim lai i a palhnaak a um mi asi ah cun a mah zongkha Pathianbia nih a nun a remh awk asi. Pathian bia cu a nung i a thawng kap hnih har vainam nakin a haar deuh. (Heb.4:12). Kan chimmi bia lilaa kha kan mah lei ah tih nungtukmi a si ti zonghi philh fawn lo ah a tha. Kaa lawmtuk, Mangtha chuntha u law.

DEBATE HE A PEHTLAIIN. Atuliao khrihfaa Kristian biaknaak ah remh ciao a herh mi a um caah, debate a tam ngai.Doctrine le bu ahhin buai caan a si tilo. An zumhning ah an chimmi bia kha ngailaw nangmah ah remhding a um mi asi ah cun rak i remh ciao ko u cu caan cu tu caan hi asi.Vawleicung biaknaak ah hin Judahmi le Khrihfaa Kristian biaknaak lawngah hin zumhnaakah debate a um mi asi.

Jesuh le Judahmi an i debate naak -Paul le Judahmi an i debate naak -Atu liao khrihfaa Kristian biaknaak ah Trinity le Oneness cawnpiak naak chungah an i debate naak -Bawipanih damnaak caan tha chimkho dingin a kan peek ah cun hmaizarh ah kavanpeh thante lai. Bawipa nih sunparnak co dih ko seh Amen. Saya Ngun Khar Hlawnceu