Tutan US rampi president thimnak nih vawileipi tiang khuaruahhar in a tuah. A ruang cu kum dang bantukin vote thak ning aa nin cang lo ruangah anmah kaphnih karlak hrim ah entainak a tam mi nih tampi thil a kal hnga ding tluk in a kal ter kho lonak a ruang bik c si.

Mah hi ning tein a kal le president Trump nih kan sung ti duh rih dawh si lo. Court ah biatak tein buaipi an timh. Mah le bang si cun hinak in buainak zong a chuak chin lengmang lai i, thimnak zong nih saunawn an ngol khawh mi zong a si. Hi kongah Trump biachim ning cu khuaruahhar si ko. A timi cu, “Election a dih hnu ah vote thlakmi vialte rel a si ti lai lo. Vote rel ngol cang uh! Rel ti hlah uh!” Trump.

Relchih: GOOD MORNING. US President thimnak kong cu Uisih tlang chungṭuan tiang nih ṭhep lo in rak cuanh cio mi si kaw zei dirhmun dah kan phak cang ti van cuan rih tuah hna usih. Michigan state vote relmi a fian cun teitu ai fiang rua lai tiah zumh a si nain atu hi hnulei ah a kir ṭhan phun in a um. Neveda lei ah i ṭhial ṭhan kan hau.

Neveda state nih electoral vote 6 an ngeih. Biden nih 264 a hmuh cang. Neveda i a tei rih ahcun 270 a tling lai i ka tei cang tiah zapi sinah a chim khawh men. Nain, Pu Trump nih kan sung ti duh rih dawh si lo. Court ah biatsk tein buaipi an timh.

Khah, Naveda vote rel cangmi le rel ding mi hi van zoh tuah usih. Neveda milu hi million 3 reng lo deuh lawng an si. Vote thla ding in min ai khumhmi hi million 2 hrawng an si. Vote a pe taktak mi hi million 1.6 (77%) hrawng an si. Vote an rel cangmi million 1.5 (75%) renglo a si cang. Vote rel ding a um/taang rihmi hi sing/ting 3.8 (25%) hrawng a um rih.

Biden nih vote 588,252 (49.3%) a hmuh cang. Trump nih 580,605 (48.7%) a hmuh ve. Biden nih vote 7647 hrawng in a thlau/tei rih. An rel rih dingmi vote hi tam ngai kaw aho nih a tei lai ti chim/theih khawh a si ti lo. Cucaah, thindomh le kamseh in hngaak ko rih usih. Uisuh tlang khuabawi zong na sabuti kha na rak lum ṭhan rih a hau ko lai.

Neveda ai fian ko hmanh ah Pu Trump nih na ka tei tiin hnu ah i tawn duh hlei dawh a si lo. Court i buaipi hnu lawng ah zei dah a va lawh telai tiin biafun hau ko…Biakak ah, buai le hnahnawh nak faak ngai a chuak kho zong si. Zahan zaan hrawng zong vei pawl cu khua hluai mai in lam ah an au len i dawr bauh le fir an timh caah palik le National Guard nih an kham manh hna. Minung tam ngai zong an tlaih hna. Ref: The Chin Voice