The News International, Prime Minister Imran Khan nih lungkuai ngai in a chimmi cu, “coronavirus in a zawmi hna cu misual zoh in an zoh hna. Kum upa deuh le a derthawm deuhmi lawng nih hmunhma an tin” tiah a chim. Pakistan ramchung ah hin a tu tiang ah hi zawtnak in a zawmi hna hi minung 2238 bak an phan cang, tiah nizan cacawn nithumni ah khan thanh a si.

Hi zawtnak in a tu tiang ah a thi cangmi hi minung 31 an si cang. Cun Punjab ah hin minung 845 bak hi zawtnak ruang ah hin an thi cang i Sindh ramtthen ah hin minung 709 bak an thi cang. Ramtthen Health Department, Khyber Pakhtunkhwa nih a fehter ning in hi zawtnak hin minung 23 bak hmuhchuah tthan an si, tiah an chim chih.

PM Imran Khan nih, “hi coronavirus dohnak ah hin a cozah nih biatakte in thazaang a chuah lai” tiah a chim. Pakistani media nih Jamaat-i-Islami’s general-secretary Liaqat Baloch chimmi an laak mi cu, “Prime Minister Imran Khan hi rampi lockdown tuah le tuahlo ding kong ah hin biakhiahnak a tuah kho rih lo. A ruah cuahmah lio a si” tiah an langhter chih. Ref: Mzz