Ngeihchia lungrawk ngaingai asi ko, Tutan thilcang cu… Ngakttah bawmhnak caah tiah Lucky Draw ticket an zuarmi cu ngakttah caah pek loin lodiam azampi dih. Kan theihcio bangin Biker Family timi bunh in Lucky Draw an tuah. Hi Lucky Draw an tuahmi hi Hakha khuachung ngakttah bawmhnak caah kan tuahmi asi tiah an rak langhter. Sihmanhsehlaw ngakttah bawmhnak tuah hlan ah tangka vialte cu lodiam a zampi dih.

Hi konghe pehtlaiin thilsining an langhtermi siseh, mipi sin ah theihternak le nawlnak an tuahmi cu hitihin asi. Mizapi sin ah theihternak le nawlnak. Biker Family timi min bunh in Lucky Draw cu 2020 October thla in zuarhram kan rak thok. Kan nih hi Zahnak Tlang, Zophei, Khuahrin tlang, Falam Peng khua cheukhat, Senthang Peng, Zokhua le Rinte khua lei ah kan rak in zorh hna. Zuar a kan fial lio zong ah Hakha khuachung ngaktah hna bawmh nakding ca ah kan tuah mi a si a kan ti i, kanmah zong nih zawnruahnak lungthin he kan cohlanpiak ve.

A ticket chuah man zong a pe ta hna lo. Kanmah nih cun, a bawmtu pa sin ah kan pek dih cang. Dawr ngeitu hna zong nih nan kan theihthiampiak naklai kan in nawl fawn hna. A kan zuarter tu pa hi Zar Nyi timi a si i, kan zuar i kan hmuh mi a man dihlak cu aa zaam pi. Kanmah lei nih mi hrokhrol le mi dik lo a si ti hi kan rak thei lo. Cun, a kan dehhlen lai ti zong hi kan ruat hrimhrim lo. Acung lei kan langhter ning bantuk in, a zuartu kan nih cu mi hrokhrol kan si hrimhrim lo.

Kanmah leikap in mizapi nan dihlak nan hmai zong kan i khap bak ve hna lo. Lucky Draw a kan cawtu mizapi nan dihlak nih nan rak kan ngaihthiam in nan rak kan theihthiampiak naklai kan in nawl ko hna. Upat hmaizahnak he A zuartu chung in. Biakilh: Lucky draw ticket a zuarter mi hna awaan a si tiah The Hakha Post nih azuartu hna aw-an in an langhter. Hi kongah Ticket acawmi hna nih an lungtthatlonak atanglei bangin an langhter.

Tangka kan ngeih lo bu in ngaktah caah cun kan mah le kan bawmh kho mi kan ti le kan ngeih mi te kan in pek hna le mah thawngpang kan theih mi cu mi lung a fak ngai hmai lei cu bawmh nak ti mi hi zumh a harh pah cang ko lai hi kan i ralring deuh a herh cang ko hi. Phaisa kan ngeih tuk ruang zong ah kan bawmh mi hna an si lo,an kan zuarh ve i kan cawk ve ko hna, thilri poh/co awk ah an sermi ,TV le Cycle … le a dang dang poh le co duh tuk ruah zong ah mah Lucky draw hi kan cawkmi a si lo.

Pakhat le pakhat i bawmh chanh cio zong a si tiah kan hei ti ko, a tu ah hin phaisa (4000 )hi kan ca ah a tamtuk ko, nain hlen kan tonmi hi, a poi bik ah kan chia ve lo, mah nak in a poi tuk mi cu, Hmai lei ah mah bantuk in Lucky draw, fund kawl nak ah pakhat khat nih an/kan tuah tik lai zong ah, lam a kan phit tu zong an si ve kho, mi cheuhkhat thinlung ah mi zumh lo nak le, zawn ruahnak in bawmh awk an i timh hnga mi zong khi a zor ter khotu ah an si khawh ve caah a poi tak tak.

Kan zia kan i thinh ahau Khrihfa kan i ti lo maw? Khrihfa kan si tak tak rua lo maw i ti awk in Laimi cheukhat zong hi.( Note: mah bantuk Lucky draw an in zuar ter tik hna zong ah i ralring cang uh! hrokhrol le lih ah puh nan si ve sual lai.). Wowww ka rak cawk sual ve mu! A ka zoh tu ph no ka hal ta lo kaa ngaih chih ning! 2000 ka sung. Loh bak.Mah kha ka cawk ve hna kei zong hngaktah siang in sak nak ah an ti le.

Aw c tak ee ngaktah caah tiin an kan hal kan ngei hlei c lo kan ngei chun te kan pek i kan thin lung ruah nk thei tu kan biak Pathian tu nih kan cham hram seh law.Eiii…ka cawk ve hna.Hakha ngaktah ca ti cu an tam pi si.ngahtah inn kip in maw bawmh nak cu nan pek hna lai.a si kho ngai hna maw ka ti hna i. aw a si kan bawmh ko hna lai an rak ti i ka rak cawk ve hna, tiah an lungthatlonak konghe pehtlaiin an chimcio.

Hmailei ahcun hibantuk thil tuah tikah a zuartu siseh atuahtu sihna seh zeibantuk minung pawl dah an si timi le zumh atlakmi an si maw silo timi hi dottletnak thatein tuah i, adik ahmanmi an si ko timi tu ah thaazaang pek cio ding asi. Aruang cu tutan kan tonmi cungah siseh cuhlan ah hibantuk thil tete ah Laimi hi kan nehnang atam tuk caah iralring cio hna usih. Chirhchan. THP