Thlalau Thawng: Melbourne Nichuah lei ah Ngaihchiatnak kan tong. Melbourne Nichuah lei I khua a sami, APC Khrihfabu chungtel a si mi .Pu Tuan Hmung A Kum 33 nih Tuchun zanlei suimilam 5:00pm mual a kan liam taak ee.

Pu Tuan Hmung hi Laitlang Tlantlang peng, Vomkua khuami a si. Melbourne khua ah chungkhar he khua an sa. A thaisung Pi Zing Hlei Cer le a Fale pathum a roh taak hna. Fapa 1 Duh Cung Lian le Fanu 2 Van Dawt Cer le Gryna Ni Len Sung an ngeih hna.

Pu Tuan Hmung hi vanchiat ah Inn an a tlu sual i a thluak ah thi a luh caah rianrang in Sizung an tlikpi ko nain Sizung I Zaankhat a riah hnu ah 23.01.2020 zanlei suimilam 5:00pm ah Miphun Khuami Khrihfabu le Nupi le Fale kal taak in a kan liam taak hi a si.

Ruakvuinak hmun le caan a fiangmi aum kho rih lo. Chungkhar Thutpinak le hnemhnak cu a tanglei btk in tuah a si lai. Ahmun: VCBC Biakinn. Acaan : 6:30pm. Ani : 24. 01.2020. Chungkhar Thutpi le leikainak cu a tanglei hmun ahhin a si lai. 145 Mt Dandenong Rd. Croydon Vic 3136. Chungkhar hna cungah Bawipa daihnak um hraam ko seh. Ngaihchiatnak tuarpi buin, ACC. Credit: Australia Chin Community

Thawngpang rak rel chap:Nihin ah Iran lawmaker Ahmad Hamzeh nih a chimmi cu Donald Trump athat khotu paoh cu laksawng $3 million pek nan si lai tiah a chim. Mah thawngthanhnak hi Iran cozah hnatlaknak in thanhmi a si le si lonak kongah fiantermi a um lo. President Trump nawlpeknak in Iranian Major General Qasem Soleimani thah a rak si ah khan Iran cozah nih Trump athat kho tu cu $ 80 million pek nan si lai thawngthanhnak a tuah. Nihin ah Iran lawmaker Ahmad Hamzed nih thawngthanhnak pakhat a tuah than rihmi cu Donald Trump athat khotu cu $3 million pek nan si lai tiah ati.

Ahmad chimning ah cun mah phaisa hi Kerman province mipi hnatlaknak in thanhmi si dawh a si. Zeicatiah Kerman province aiawh in a chimmi nih hin amah pumpak ruahnak lawng a si lo ti a fiang ko. “On behalf of the people of Kerman province, we will pay a $3 million reward in cash to whoever kills Trump,”. Soleimani thah a si lio i Trump athat khotu cu $ 80 million pek nan si lai timi thawngpang cu tu lio te ah cun media nih an tialmi hmuh awk a um ti lo.

Zeiruangah ah $ 80 million pek nan si lai tiah an ti tiah cun, Iran milu hi 80 million hrawng kan si. Trump thahnak dingah $1 cio kan thawh ah cun $80 million a si ko lai tiah an ti. $80 million pek dingin bia a ummi kha a si tak tak ko ah cun President Trump thahnak dingah phaisa an thapmi hi $80+3 mmillion= $83 million a si lai tinak a si. Nihin ah lawmaker Ahmad nih thawngthanhnak a tuahmi ruangah US nih cun Iran nih a nihsawh.

Zeiruangah dah Kerman province nih Trump thahnak dingah $3 million hi an thap than rih ti ah cun Qassem Soleimani hi Kerman khuapi ah a ummi a si. Iran nih hin nihin tiangah nuclear hriamnam a nei lo tiah a fiang ko. Iran nih hin nuclear hi ngei sehlaw hibantuk thihphaihnak le tuahsernak a um lio ah hin cun irunvennak caah a tha tuk hnga a ti. Atu hi Iran nih nuclear cu athli tein a ser ko tiah Israel nih a chim. Hi kongah Britain, France and Germany hna cu Iran cungah an lungtling ti lo. Atu hi Iran cu UN nih sanction chap than dawh a si cang. Dailychinstar