Singapore Cashew High ah sinum rianṭuanmi Kawlrammi nute pakhat cu zarhpini zingah Inn dot 8 cungin a tla i a nunnak a liam tiah theih a si. Vanchiatnak a tongmi nute hi a min ah Myint Maw ti a si i ngakchiate a si ve rih kum 21 hrawnghrang minung a si i Kawlram ah Agent ngei loin Singapore i Agent pakhat nih bawmh in Singapore ah a kalmi a si.

Ayeyarwady ramṭhen,Chung Dung Uksuh Zuatit khuami a si. Atu ah ruak cu palik kutah a um lio a si i a taksa thut-nam lonak hnga dingah tiah tikik/vul lakah an chiah. Zeitindah a thihning cang le a tlakning hi a si timi cu palik nih hlathlainak an tuah cuahmah lio a si.

Singapore ah ummi Kawlrammi hna sinah a thihnak kong hi thlah le thawngthanh a si i amah buaitu pakhat Swe Naing nih hi thawngpang ahmanmi a si ko tiah a chim ve. Singapore i Kawlram tanzung lei zong nih thihnak tongmi buaitu Swe Naing cu an biakchawnh khawh cang nain atu tiang thawngpang an thanh rih lomi le theihternak an tuah rih lomi cu Swe Naing zong a khuaruah ahar ngaingai.

Hi Kawl nute hi zeitindah a tlak ning a si timi zong zeihmanh an theih rih hlei lo pinah amah buaitu a simi Swe Naing zong a ruak zohter an siang rih lo ti a si. A chungkhat an silole Agent lawng nih an zoh khawh lai tiin palik nih cun Swe Naing cu an rak ti. A tangleiah Kawl holh an ṭialmi rel khawh a si.