Malaysia, Mukah, Sibu (Sarawk) state ah Kawlrammi pakhat eidin thilri cawk dingin a kalnak ah aho ti hngalh lomi nih mawtaw in a pah in anunnak a liam tiah kan theih.

Mukah peng palik bawi DSP Jimmy Panyau nih a chimmi cu, “Thihnak a tongmi pa hi Myo Min ti a si i kum 32 mi a si.Cacawn nithum March 4, 2020 zaan suimilam 9:31pm ah lamkam ah a ruak in an hmuh hi a si” tiah a chim.

“Mukah -Balingian lampi ah security rian a ṭuami nih thihnak a tongmi pa cu a hmuh,” tiah March 5,2020 cacawn nili ah a chim. Mukah sizung pawl an chawnh i an rak phak cu a nunnak a liam cang tiah a hmutu nih an chim.

Thihnak a tongmi kong cu Sector 41 (1) 1987 lam Upadi in hlathlainak an tuah cuahmah lio asi.” Thihnak kong he pehtlaihin thawng a theimi le an pah lio ahmutu nan um sual ahcun lam naih bik Palik station ah thawngthnah nan tuah lai kan in sawm hna” tiah palik bawi DSP Jimmy Panyau nih a chim.

Biakilh: Hi thihnak a tongmi konghe pehtlaiin thawngthar a um ṭhan ahcun thil sining zoh in thanh le theihternak tuah kan rak i zuam ṭhan lai. Cun miraang kan lehchawmmi a si tikah kan palhnak tampi aum lai a ruahzia nan kan thiamnak lai kan in nawl hna. Chirhchan: Thestar