Ngaihchia ngai a si: Chin nutung no nau aa rawkmi le nau aa thatmi an karh taktak

Chin News

Chin ramkulh, Paletwa peng raldohnak ruangah Paletwa peng nutung no nau aa rawkmi an tam ngaingai tiah theih a si. Chin ramkulh, Paletwa peng ah Tangkhawng in Hniang thla tiang thla 8 chungah nau a aa rawkmi nu an dihlak in 54 an um. Hibantukin nau an i rawknak a ruang cu ralkap le AA kahdohnak ruangah a si bik tiah Myone ngandamnak zung i rianṭuantu a simi Dr. Soe Thet Win nih a chim.

“Ral a tamnak hmun ah cun ral ṭih in zaam lengmang a si tikah, hi ruangah nau aa rawk an tam khunnak hi a si. Chin ramkulh, Paletwa epngah Myanmar ralkap le AA ralkap hna cu 2020 kum hramthawk Tangkhawng thla in Chiapa thla 7 chungah voi 11 an i kap cang,”Burma News International nih a taar.

“Chin ramkulh, Paletwa peng nutung no nau an i rawknak aruang bik cu Myanmar ralkap le AA ralkap i kahdoh ruangah a si bik ko,”tiah Paletwa ralzam bawmhnak petu phu i rianṭuantu pakhat nih a chim.

“Aruang cu, Paletwa pengah Bomh puakmi le meithal kah thawng a tam tuk tikah, an i kahdahnak hmun in lamhla a ummi khua pawl hna caah cun nau rawhnak tiang a chuahpi kho lo men. Asinain kahdohnak a tam biknak hmun Paletwa ah cun, cu bantuk ruangah nutung no nau aa rawkmi an tam khunnak hi a si,,”tiah Paletwa ralzam bawmhnak petu phu i rianṭuantu pakhat nih cun a chim chap.

Myanmar ralkap le AA ralkap kahdohnak ruangah Paletwa pengah ralzaam minung 5000 fai an um i, Sami Myo ah minung 3000 fai an um. Cun, Sein Sin khua ah minung 500 ralzam an um i a luancia kum 2019 ah Paletwa pengah au aa rawkmi hi minung 119 fai an um tiah Khonumthung nih a taarlangh. Chirhchan: Khonumthung

Leave a Reply