Ngaihchia Ko! Biden Nih A Tonmi Harnak Le Ngaihchiatnak Hi Vun Zoh Ve Hmanh

Theihtlei

US thimnak ah Democrats party leiin president aa cuhmi Joe Biden nih a hngakchiat lio in a rak tawnmi le a kawnglam hi vun zoh ve hmanh, zeitlukn dah nihsawh-zawmh teih le vanchiatnak nih a rak tlun hnawh timi hmuh khawh a si. Zeitlukin dah beidonghnak nih a rak tlunh timi hmuh khawh a si. A tanglei ah a konglam kan rak langhter, ngaihchia taktak khi si, a tawnmi thil ah.

Image may contain: 1 person, text that says "OFFICE PRESIDENT ELECT FSROSEA OFFICE PRESIDENT ELECT"

Baiden kawnglam le tawnmi harnak: A hngakchiat lio ah tha tein a holh khawh lo caah heh tiah an rak nih sawh. A nupi pakhatnak he restaurant ah an i ching le rawl an ei lio ah tangka pek awk a ngei lo caah an darling Neilia nih cabuai tang in $20 tlap a pek chom. Ralkap tlak ai tim nain asthma a ngei caah na fit lo an ti le an sungh ter.

1988 ah voihnih tiang thluak lei surgery ai tuah. Motor accident ruangah a dawt tuk mi a thaisung nu le a fa nu nih an thih tak. A nupi le a fanu nih an thih tak caah a mah le mah tiang lainawn ai rak tim bal.

Mi zei nan si zongah mah le mah thah tiang hmanh ruat lak tiang in harnak nan/kan tong ko lai. Asinain, cu hna cu zei tik hmanh ah zungzal a hmun mi an si lo. Hmai ah nawr chih peng ko. Na lungre thei tuk lio caan ah President-elect Joe Biden kong hi rak ruah ta ve hmanh. Congratulations Mr President-elect Joe Biden. By Sang Hre

Relchih: REL LOMI vote 5600+ AN HMUH. GEORGIA STATE i vote an thlakmi cu kut bak in an relter ṭhan hna i zahan tiang ah Fayette County ah vote 2755 reng lo bak rel lomi an hmuh ti si i tuchun ah vote 3000 reng lo Walton le Floyd county ah an hmuh chap i vote 5600 reng lo an hmuh cang ti a si. Pu Trump le a team pawl hi tlawmte cu an hnabei sei deuh kho men.

Image may contain: 1 person, text that says "YFOX NEWS Watch TV RECOUNTING 2020 WATCH LIVE: Ga. election officials give update on recount after 5,600+ uncounted ballots found"

Nain Pu Trump nih Georgia ah hin tei ṭhan hmanh seh law a hmuhmi vote hi 248 lawng a si rih lai i 270 a tling kho hlei lo. A sung ṭhiam lai. Cucaah, state dang Wisconsin, Pennsylvania le Michigan lei ah an buaipi rih a herh hnga. Wisconsin hi Georgia bantuk in vote relter ṭhan ding a si ahcun tuchun suimilam 5:00 hlan ah Trump team nih an buaipi a hau i phaisa million $7.9 hrawng an thaap ngam a herh. Tuchun i an buaipi lo ahcun Wisconsin vote relmi result hi CERTIFIED tuah ding a donghnak ni a si cang i Certified an tuah cang hnu ahcun legal challenge hi tuah khawh a si ti lai lo. President Trump le a campaign team pawl hi an awlok chong ngai kho men.

State dihlak nih an vote relmi result cio hi December 8 hlan ah fehter (certified) dih ding a si i December 14 ah Electoral College (state cio nih an thimmi hna Electors) nih vote thlak ding a si. Electoral college nih vote an pekmi hi CONGRESS nih January 6, 2021 i rel ding hi an schedule cu a si. Nain, Senate le House an lung ai khah lo sual ahcun thawn khawh zong a si. An lung ai khah ko i electoral college vote hi an cohlan ko ahcun January 20 ah President ding cu biakamnak (Oath) tuahter a si telai.

US President thimnak vote hi State 45 hrawng nih cun an rel dih cang nain an relmi result hi certified an tuah cio rih hna lo. Cucaah US President thimnak result hi official nih thanhmi pakhat hmanh a um rih lo. Media pawl nih an zumh ning an phuan chungmi lawng a si rih. Cucaah, Biden nih a tei, Trump a sung cang tiah i al len ding khi a herh in a herh lem lomi a si. Phung ningte in a herhmi an tawlrel lai i an dih in an thanh te ko lai. Ref: The Chin Voice & FoxNews, Reuters

Leave a Reply