Ngaihchia A Tuk. A Nu Ruak An Vui Lio Ah A Fanu A Thi Ve. A Thih Hlan Ah Hi Tin Ca A Ttial Ta

World News

Ngaihchia A Tuk. A Nu Ruak An Vui Lio Ah A Fanu A Thi Ve. A Thih Hlan Ah Hi Tin Ca A Ttial Ta: Laura Richards te nu fa cung a cangmi cu ngaihchia taktak khi si. England ram mi nungak kum 32 Laura Richards cu hringtu a nu nih a thih tak i, a nu ruak an vuilai ah amah zong a thi ve. A nu Julie Murphy (kum 63) cu Covid-19 zawtnak in a zaw i, kan hnu thla March 15 ah khan a nunnak a liam. Fa 4 a ngei cang i, a umnak nursing home in zawtnak hi a kai ti si. Covid-19 zawtnak in a thimi asi tikah a ruak an vuinak thlan hmun zongah mipi in an telpi kho lo.

Ruak thlahnak a kalmi cu anmah ngaihchiatnak a tongmi chungkhar hna le tlangbawi lawng an si, Atherstone Cemetery thlanmual ah an vui i, a ni ruak-kuang an thlak lai ah a fanu Laura Richards cu, “Ka thaw a cham! Ka thaw ka chuah kho lo!” titn a tlu. Bawmtu ding midang an um lo ruangah amah unau hna le tlangbawi nih cun an buaipi, thlanmual ahcun an si khawh tawk an chuah nain anmah nih zeihmanh tuah khawh mi an ngei ti lo.

An nu thlan hmanh chih manh loin police an chonh hna i siizung ah an tlikpi colh, sinain vanchiat ah an khamh kho ti lo, cu ti cun a nunnak a liam. A unu Sadie (kum 45) nih a chim mi cu, “Nu le ruak vui lio ah ka nau nu nunnak liam tthan mi cu tuar a hartuk hringhran. Kum 32 minung lawng asi rih” tiin police sinah a chim. Laura Richards nih a thih hlan deuh i, a nu ruak an vui lai te a chim ta mi cu, “Ka nu kan dawttuk” tiin facebook ah a post. Ref: mirror.co.uk

Leave a Reply