Ngaih A Chiatuk Hringhran, Mehsi Tamtuk An Chunh Ruangah Tlangval Biak Hlei Thang A Nunnak A Liam

Theihtlei

Ngaih A Chiatuk Hringhran, Mehsi Tamtuk An Chunh Ruangah Tlangval Biak Hlei Thang A Nunnak A Liam!

Apoi tuk tipin cun chim ding dang a um ti lo e, minung kan nunnak ngai hi pangpar bantukin zingah apar i, zanlei ah a ziam tthan timi hi a rak si hrimhrim ko mu. Tutan ah ngaihchiatnak thawngpang kan theihmi cu lung a zur in ngaih a chiatuk hringhran ko. Tuchun ah Thantlang peng Bual peng Salen khuami Tlangval Biak Hlei Thang nih ruah lopi in mual aa kan liamtak. Tlangval Biak Hlei Thang hi duh a nun saling le Tlangval thazaang a that salin kum 26 mino te a si. Atubantukin ruahlo pi in mual aa kan liamtak hi ruah tikah lung a fak ngaingai.

Image may contain: 1 person, closeup

Athih ning cang konglam cu hitihin a si. Tuchun ah apaw a fak i, a zualhma deuh ti theih a si caah Salen khua in Meng sawmthum hrawng a hlatnak hmun Thantlang sizung ah an kalpi. Asinain Thantlang sizung nih aa kanmah nih cun a tuah awk kan ngalh lo caah Hakha lei ah lanhpi uh tiah an ti hna.

Rianrang in Thantlang sizung in Hakha lei ahcun lanhpi a si. Hakha sizung nih tthatein check hlatnak an tuah hnu ah, a rilte hmun hnih ah a pem tiah an ti i, operation tuah a hau tiah an ti hna. Operation tuah ding cun mehsi, a fahnak theih lonak si an chunh i, operation cu an tuah. Asinain Mehsi a fah theih lonak si an chunh hnu le operation an tuah dih hnu cun a nunnak a liam thai. Hi konghe pehtlaiin Tlangval Biak Hlei Thang a thihnak a ruang bik cu Mehsi tam deuh an chunh mi nih a chei deuh caah a si tiah an chim. Mehsi an chunh hnu in a tubantuk in an tthang kho ti lo i, a nunnak a liam tiah theih a si.

Image may contain: 1 person, sitting, selfie and closeup

Tlangval Biak Hlei Thang hi mifel le bochan tlak ngaingai mi a si i, khua chinchan le chungkhar hna zong nih an thangtthat ngaingai mi a si. Atubantukin ruahlo pi in a nunnak a liam tikah khuami le chungkhar lawng siloin pawngkam khuami, a tlang tiangin kan ngaih a chiatuk tiah minung pakhat nih a chim.

Tlangval Biak Hlei Thang cu a ruak konglam he pehtlaiin zeihmanh tawlrel a si rih lo i, Hakha ah maw a ruak an vui lai, A si lo ah khualei ah dah an vui lai timi theih a si rih lo. An tawlrel cuahmah lio a si tiah theih a si. Tantak mi chungkhar hna caah atuar zia le a inzia an thiam khawh nak hnga Pathian sin ah thlacamnak in bawm cio hna usih.

Credit: CRT

Leave a Reply