Malaysia ah inn dot in atla i mual a kan liam taakmi kan farnu Sui Hlei Ṭial kongkau cu a ho cio paoh nih theih dihmi a si. Ramcung ramleng nih kan tuarpinak a lam kip in langhter cio a si. Tutan zongah Falam kan upa pakhat Salai Bawi Hlei Sum nih a ngaihchiatpinak le tuarpinak caah tiin hla dawh taktak a phuah.

A phuahmi hla belte zeitik a chuah lai ti theih a si rih lo. A hlabia a chiahmi von rel cu lung a hno i ngaih a chia kho taktak. A chuah lai kan i ngaih tuk cio lai tiah ka ruah. A hlabia a tanglei ah kan rak chiah chih.

Cun, Evan. Van Biak Tluang nih kan farnu Sui Hlei Ṭial tuarpinak le ngaihchiatpinak ah tiin hla aphuah ve ṭhan. A phuahmi hla cu, hlasakthiam Pu Bawi Thiang Bik nih a sak. A sakmi hlabelte a dih lakin cun a rak thlah rih lo. A chorus te lawng an rak thlah rih. A hlabia a ṭha i ngaih a chia, lung a hno ngaingai.

Evan. Van Bik Tluang nih hla a phuahmi kong he pehtlai in hlastu Pu Bawi Thiang Bik nih cun, “Evan.Van Biak Tluang nih kan dawt kan far Lg. Sui Hlei Ṭial i a kan liam taak ruangah a tuarnak le zaihla in a hlawinak a langhtermi Chorus te ka van chiah chung… a phuahtu ‘Halleluiah Biak’ timi fb ah a tlingin zoh khawh a si lai. Kan tuarnak le kan ngeihchiatnak hmurkaa nih chimphuan ding a tlinh lo, zai hla in kan rak langhter ve,” tiah a taar ve.

Salai Bawi Hlei Sum nih a phuahmi hla a bia lawngin kan rak taar chih; Kan farnu, kan nau Su Hlei Tial sunnak hla: A rethei ah kan run sak ding (Tune-Abadiah Aye Te)

Miphun hnamdang lakah, Lunglo dairiai a hun cang cu, Sunghno a nui aan nem, Don hman a co ban lo thinlai a sun ana. An sumthang run pan in dairiai cang hnu a tlung, Sangkaa ongu a neilo rethei fahniang riahrun a vai.

Khawhra vandeng a thang riakmaw va riahrun tong locu, Khuanui lairel a si ko e vun ti mei a har fualfo. Anaa a kha thin muril feibang in a sun To mei thei lon seino rualmi zonzai nui tonmi ruangah,

Hi bang khawhra vanhnuai ah a um dah kel maw, lungmol duahdo sunghno mi hrang a va kha em Milai ih hnem theilo mi retheifa kan ton mithil hi, Cung Pathian na kutcak thlirin na hmai ah kan kun.

Zo saw hi bang hi tuar thei um ding, Mawhsiat hlah uh-Sunghno a nui zohmi fahniangte misual ralkaihmi men bang. Mi rethei mizonzai-kan can hi e ziangtitha vancung ramnuam ah tin dai tei cawlaw.