Tutan hlasakthiam Bawi Thiang Bik hlaphuahmi le sakmi cu ngaih a chia ngaingai. Hi hla hi a pu Lian Peng caah a phuahmi le asakmi a si i a hla min ah “Kan In Siang Lo Pupu” ti a si. Tha tein vun ngai ve cio hmanh u ngaih a chia ngaingai. Bawi Thiang Bik hi a rak men bak lo. Hlasak lawng hlah maw a thiam kan ti lioah hla phuah zong a thiam taktak.

Bawi Thiang Bik Chinmi hlasakthiam Gospel Singer ahcun ahla hi zohtu a ngaih cem a si lai. Ahla pawl hi a zohtu an tam taktak. Cun mipi zong nih an uar i a hlabia zong an ttha ngaingai hna. Pathian thluachuaknak a pek i tukum chungah “Gospel Singer Of The Year” zong a cotu a si. Uar a um taktak.

Cun tukum ah Pathia nih lam a hruai i nupi ttha te amah bantukin hlasakthiam Gospel singer a simi Naomi Par Tha Sung he chungkhar a dirtharmi an si. An nupa in Pathian thangthatnak hla lawng a simi an si. Pathian nih an Aw zai amah sunparnak caah hmang chin ko hna seh. Kan In Siang Lo Pupu timi hla a phuahmi rak ngai ve.

https://www.youtube.com/watch?v=Rg3BtCZXrFs&t=8s