Ngakchia an hmuh mi cu dawtu tampi nih zawnruah nak he nan share mi thawng in nu le pa he an i tong kho cang tiah thawng kan theih. A share tu nan dihlak cung ah kan i lawm! (Zapi sin ah thawngthanh na duh mi a um ahcun DVC ah zalong tein pehtlaih khawh kan si) Credit: Democratic Voice of Chin-DVC

A tlaunak kong DVC le The Hakha Post nih an ttialmi rak rel chih: Ngakchia tlau kawl bawmhhalnak: Kan fapa William (kum 3 hrawng) cu Hakha Mucu Sang, zaanlei suimilaam 4:00 hrawng ah leng a chuak. Atu tiang inn a hlam lo ca ah a hmu mi nih a tanglei phone number ah kan pehtlai hram u! Amah William hi ramdang in (New Zealand ram in) a rak tlungka mi a si ca ah Laiholh a thiamlo mi a si lai. Phone:09-256495563 Crd : The Hakha post

Thawngpang rak rel chih: Trump ruangah Malaysia Laimi an tap: US hi ralzam tambik a la tu a si tawn i Laimi kan tambiknak zong US ah a si. US ah Chinmi minung 50,000 tluk an um. Cucu a tambik cu Obama President a tuan lio ah Malaysia, Thailand le Delhi in US ah a pemmi an si hna. Australia ah minung 10,000 tluk Chinmi an um ve.

US President Trump a chuah hnu bak in ralzam tlawm tuk lawng a lak cang caah Malaysia ah Chinmi a khat bak in kan khat cang. Tukum ca hna le bang ahcun Trump nih ralzam 18,000 lawng lak ding a ti caah kannih Chinmi hna le bang hi minung 100 hmanh lanh khawh lai kan i zum ti lo. President Trump a kai hnu bak in ralzam cohlannak policy a that lo ruangah Malaysia ah a ummi ralzam hna cu UN nih an card a chuh thluahmah hna i minung 18,000 reng lo UN Card an chuh hna. Mitthli he an tap.

US nih ralzam lakmi a tlawm tuk ruangah RST innka a bi tuk cang i, i tenh awk a har tuk cang tiah UNHCR nih an chimmi a si. UNHCR nih ralzam a bawmhnak le zohkhenh zong tamtuk a zor. Trump nih ralzam zeipipa ah a chiah ti lo ruangah UNHCR nih ralzam tamtuk zohkhenh ai harh tuk cang. Malaysia ah ralzam an zor khawh deuhnak hnga Chin ralzam cu va tlung uh ti khi si ko.

Tukum US thimnak ah Trump nih teinak a hmuh than sual ahcun Malaysia Chinmi harnak kan tong chin lengmang lai. Operasi nih an hrang chin lengmang. Malaysia ah a phan thar an tam chin lengmang ve hoi. Ramthumnak a kalmi an tlawm tuk fawn hoi cang. Lungrethei bak kan si ko cang. Australia te hi rak um i chungkhat unau ngeimi caah ruahchannak te a um. Trump hi cu kanmah bantuk uknak tha lo ram in a rami ralzam nihcun bochan awk a tlak bak ti lo. A tu ah US ah a ummi Chinmi chung in Trump a tanh ngaimi pawl zong cheukhat cu nupi le fale laknak kong ah an buai cang ti a si i vava an tum ko cang. An zapi tein thlacam rualnak zong ngeih an i tim cang. Credit: Andrew Tum Tling