New York Gov. Andrew Cuomo Nih Hell Ram Lonh In Kan Kal Cuahmah Lio A Si Tiah A Chim

Thawngpang

Coronavirus updates 20 April tiang hlathlaitu hna nih thanhnak an tuah tthan cang. Hi pulrai coronavirus kong he pehtlai in vawleicung ah COVID-19 in a zawmi le a thimi an tam biknak hmun New York Gov. Andrew Cuomo nih mipi sin ah biachimnak a ngeih. Biachimnak a ngeih lio ah a chimmi cu hell ram lonh in kan kal cuahmah lio a si ti a si. Ram tampi hna state tampi hna le khuapi tampi ah COVID-19 nih thihnak cu a tlunter lengmang ko rih.

Gov. Cuomo says New York will roll out antibody testing in ...

Vawlei huap in hi zawtnak a ngei tiah theih khawh cangmi lawng hmanh hi minung 2.4 million renglo an si cang. Cu lawng silo in hi zawtnak ruang ah nunnak a liam cangmi hna hi minung 167,000 renglo an phan fawn cang tiah Johns Hopkins University Center for Systems Science and Engineering hna nih an khawmhsuat ning in an thanh. A ngaingai tiah cun hi langhtermi nak hin vawlei cung ah hi zawtnak a ngeimi le hi zawtnak ruang ah a thimi hi an tam deuh lai. Hngalh thlu khawh lomi hna le ram cheukhat nih fiangfai in thil sining a chim lomi zong um khawh a si tiah an chim chih.

A luan ciami thlanga December 2019 ah China Wuhan khua in hi zawtnak ru a rak i thok. Vawlei tuanbia ah a um bal lomi thil a cang cuahmah. United States hi hi zawtnak a tam biknak ram a si peng ko rih. Cu chung hmanh ah New York City hi hawi hlei in a zualnak hmun a si. New York state lawng bak ah zawtnak a ngeimi le a thi cangmi hna hi US ramleng ram pumpi pakhat chung ah zawtnak a ngeimi le a thimi hna nak in an tam deuh. Ref: ABC News

Leave a Reply