Nangmah Hi Mi Lih Chim Na Si Tiah An Phomh Cang

Chin News

Tutan kawlram pi thimnak cu result a chuah tikah NLD nih teinak hmunhma an lak dih. Chinram ah miphun party (CNLD) nih teinak kan hmuh lai tiin kan i ruahchih nain NLD nih teinak an lak tthan. Thimnak tuah hlan in mee 8000 leng ka hmuh cang. Teinak ka hmuh lai tiin aa ruat chih mi Salai Lungthli Tum zong sung in NLD nih a hmunhma cu an chuh ve. Hi kongah a tanglei langhter bantukin Salai nih a chim mi cu amah tu fak taktak in an vun phomh.

Sui Chin Nih Salai Lungthli Tum a leh mi cu aturu ko! Kawl pawl i hlen ter ti hlah - LAIHOLH NEWS

Comment: Mi lih na puh peng hna. Nangmah hi mi hrawkhrol mi lihchim na si hi. Na zia hi nu thalo te bak na si. Na sungh tiang in mi na thangchiat hna na lungput hrim fih a nung tuk. Pasal cu sunghzong ah a tei tu lawmhpi ding a si. A si lo tuk bia na chimpeng ii hmailei zong minih zeihmanh an ni rel lai lo. Mee 8000 hmuh hmanh pei aa timmi na si kha. Phasa a pek hna ti bantuk cu chim duh hlah! Zeibantuk lungput ngeih nih hin dah teinak lamthluan ah mi ahruai ti tu hi Yangon na din pah khan rak ruat len te law..

Salai Lungthli Tum ttialmi: Tutan thimnak ah khan kan tei lai 100% ka rak zumhmi a si. Nain Sayama Ni Sui Lian khi tender bawhtu company hna nih phaisa thazaang in an bawmh kho tuk a sung cang tiah kan rak ruah ko nain mee thlak lai ni 2 ah Mara tlang khua kip ting 50 cio in a cheh hna. Khua dang zong ah phaisa a cheh len lai.

Pumpak in phaisa an pek hna i mee an cawk timi zong ka theih. Phaisa an pek lio belte cu hmuh khawh si ve lo. Nain phaisa in cawkmi teinak timi cu fiang tein chim khawh a si Phaisa in cawk khawhmi dirhmun ah Chinmi kan um rihmi cung ah ka lungtha lo. Tazacuai ka timh tinak cu a si lo mu. Kei cu Yangon ka inn ah lung dai tein ka va um rih lai hih.

Leave a Reply