Admin||05|Biangreithlep 14|2020|| U.S. Cozah nih Mipi Bawmh Ṭhan Ding. Democratic party pawl nih $3 trillion U.S. tangkaa in Coronavirus ruangah American mipi tax a pe mi poah U.S. cozah nih bawmh than colh ding in nawl an chuah, a tu tan i tangkaa bawmh ding mi ah hin phung ning in a um mi lawng si lo in phung ning lo in a um pawl zong bawmh chih ding in Democratic pawl nih an ti. Cu tin phung ning lo in a um mi zong bawmh ding cu thawng pang chim tu media cheukhat le cozah lei rian tuan tu mipi cheukhat a duh lo mi an um.

Tu tan bawmhnak ah a cozah nih a khiah mi minung pakhat (single) in siseh inn chungkhar in siseh an hmuh mi tangkaa (income) zoh asi lai i minung pakhat(single) nih $75,000 cung kumkhat ah a hmu mi na si ah cun bawmhnak tling $1,200 na hmuh lai i kumkhat ah $99,000 cung a hmu mi na si ah cun a cheu na hmuh lai. Nu va Tax a file ti mi (jointly) na si i $ 150,000 kumkhat ah a hmu mi na si ah cun bawmhnak tling na hmuh lai i cucu $2,400 si lai, cun inn chung khar ah $198,000 cung a hmu mi na si ah cun bawmhnak cu na hmuh ko lai nain thumh deuh (reduce) na si lai a ti.

Bawmhnak tling hmuh a ngah mi na si ah cun minung pakhat ah $1,200 na hmuh lai i inn chungkhar in nan si ah cun $2,400 nan hmuh lai cun nan fa le (dependent) pakhat ah $1,200 nan hmuh lai i hihi fale (dependent) minung pathum tiang lawng si (fa le minung pathum ca lawng na hmuh lai, fa zeizah na ngeih zongah). Inn chungkhar fa a ngei mi nih a tu phunglam thar nih a chim ning ah cun $6,000 tam bik chungkhat pakhat nih nan hmuh lai. Fa le hi 2018 le 2019 lio i a chuak mi/tax ah nan claim chih mi kha an zoh, 2020 i a chuak mi fa le cu an rel chih rih lo.

A voi khatnak i bawmhnak pek mi ah khan mining pakhat(single) ah $1,200 pek a si i nu va ah $2,400, fa a ngei mi fakhat ah $500 fa thum tiang pek a rak si. Khi bawmhnak ruangah minung tampi lung nuam lo in an um i cu hna cu College sianghngakchia pawl le phung ning lo in rian a tuan i tax a pe ko mi pawl an si. Cu ruangah tu tan cu a voi khatnak pek lio ah pek a rak si lo mi kum 17 in 24 rian tuan lo college sianghngakchia pawl le tax a pe mi poah pek siseh tiah Democratic pawl nih an ti i tuan deuh pek lio i hrialh ta mi fa le kha tu tan ah $500 in pek chamh ding zong an chim chih.

Hi bawmhnak hi Democratic party nih Senate Republican pawl le White House pawl he i ruah ta lo in an rak chuah pi mi asi. White House nih cun tuah rih lo ding in hnu ah a thawn than nain tu zarh cacawn Ninga ni May 15, 2020ah mee pek ding (vote) ding in bia an khiah i tu zarh May 15, 2020 ah thawng fiang theih asi lai. REF: Fox News (ACN News)