Nancy Pelosi Cu Hmaichia In A Leh Cang Ko Hih

World News

House Speaker Nancy Pelosi nih Vice President Mike Pence cu President phuah khawhnak phung 25th Amendment hmang in President Donald Trump phuah a forhmi cu a lungtlin lonak ca Nancy Pelosi sin ah a leh i, President Donald Trump a dirkamh.

Image may contain: 2 people, suit, text that says "-S BREAKING DON 'SAFE' Pence WON'T use 25th Amendment to fire Trump who warned move would 'haunt Biden' VICE President Mike Pence said he will not invoke the 25th Amendment to remove Donald Trump.... Comments US News"

A cakuat ah thluak le lungthin lei dam lonak, medical and mental incapacitation dah ti lo ahcun ka hmang kho lo, kan phung zong a si lo tiah a leh Atu bantuk caan i 25th Amendment hman cu kan phunghrampi zulh phung zong a si lo i, kan rampi ca zongah thil tha a chuahpi dingmi a si lo tiah Vice President Mike Pence nih a ti. Salai Lairamthang

Relchih: Trump a ttanhtu, Laimi (Chinmi) chung in pastor rian kum 30, 40,50 a ttuan cangmi zong nan si ah, evangelists nan si ah, vawlei lei hruaitu nan si zongah bia cah kan duhmi hna cu vawlei lei cozah a simi (secular government) le Khrihfa buu (Church) hi an i uknak le i hruainak ah pehtlaihter lengmang ding a silo. Khrihfa buu i hruainak le i cawnpiaknak zongah cozah uknak le hruainak le policy he peh tlaihter tuk ding a si lo.

Bible nan rel tthan a hau lai i Bawi Zisuh i cawnpiaknak, thil tuahmi, le a nunnak pawl ttha tein nan zoh tthan a hau lai. A tak te cun, Bible nan i fiang lo tinak a si ko i, Pathian i a rianttuan ning le a tinhmi zong nan i fiang lo bia a si fawn. Nan duh ah, Ph.D le D.Min zong si ko uh, Trump le Republican party nan ttanhnak i Khrihfa biaknak le cawnpiaknak he nan peh tlaihter ning hi cu nan palh bak ko.

Theologian le scholars cauk ttialmi zong tamdeuh in nan rel tthan a hau lai. Stanley Hauerwas i a ttialmi Khrihfa buu (Church) kong cauk zong tampi in rak rel te uh law a ttha lai. Sualnak dohnak caah cozah le ram hruaitu hmang hna ding a si lo. Khrihfa biaknak dirkamhnak le kilvennak caah cozah le hruaitu hmang hna ding an si fawn lo. Trump ttanhtu pawl i nan ruahnak cu Khrihfa thathu pawl i ruahnak a si.

Khrihfa mi nih cun sualnak vialte hi kanmah pumpak bak in kan doh awk a siko. Khrihfa buu zongnih sualnak te bak kha a doh ding a si ko. Cozah a hman awk a si lo. Khrihfa i a rian, le a sullam le a tuah awk a simi nan i fiang lo. Ka manh deuh tikah ka ttial te lai ka timi kong cu, “Trump ttanhtu Khrihfa pawl nih sualnak dohdan an i palh/sualnak dohdan an thiam lo. Khrihfa biaknak dirkamh dan an thiam lo/kilven dan an thiam lo,” timi hi. Cattialtu: Van Tum

Leave a Reply