Namhsan Khua Kahdohnak Ah Ralhrang Tam Taktak An Thah Tthan Hna

Myanmar News

Shan ram chaklei, Namhsan khuachung ah a cang mi kahdohnak chung ah ralkap lei a thi mi an tam tiah TNLA lei nih Khit Thit ah an chim. December 12 ah Namhsan peng ah ralkap le TNLA karlak ah kahdohnak a chuak i Namhsan khua ralkap sakhaan cu TNLA niu December 12 zaanlei sml 5:40pm hrawng ah an kah i kaphnih karlak kahdohnak a fah hi a si.

Kahdoh a fahnak Namhsan peng lei ah ralkap Manṭung sakhaan nih hriamngan voi 10 a kah i kahdohnak vanlawng Y12 zong in Namhsan khuachung ah bom voi 4 a thlak tiah theih a si.

Cubantuk in December 11 zinglei sml 5:03am hrawng ah Namhsan peng um palek sakhaan cu TNLA nih hmunhma zohfelnak an va tuah lio ah Pistol 3 le hriam phun 14, kuanzen tampi zong an lak khawh tiah theih a si.

Thawngpang dang: General Min Aung Hliang Nih A Sualnak Midang A Puh Hna. Kahdohnak lei le Sipuazi lei ah harnak a phunphun a tong mi ralkap hruaitu Min Aung Hlaing nih a palhnak cung ah tuanvo la duh lo in midang sual a phawt hna. Atutan Myanmar ram buainak kong ah mi tampi kha sual a phawt hna.

Ramdang in Drone a thiam mi pawl, NUG cozah kuttang riantuan mi pawl le mipi sawhsawh kha sual phawtnak cazin chung ah a telh hna. Myanmar mipi hna nih lungtak in rian an tuan lo caah a si tiah a chim. Myanmar ram ah kokek vawlei tang chuak hmansung thilri tampi a chuak i khuacaan a tha tuk ko nain mipi hna rian an i zuam lo caah sipuazi lei hnu kan pil tiah a chim.

Sual a puh mi hna cazin chung ah a thar aa tel mi cu 2011 in 2016 tiang cozah a tlai mi U Thein Sein a si. President hlun U Thein Sein hi Myanmar ram sipuazi a tlaknak ah tuanvo ngeitu bik a si Min Aung Hliang nih a chim.

Leave a Reply