Na Tuah Rih Ahcun Tiin Hakha Mino Phu Nih Salai Lungthli Tum Ralrin An Pek

Chin News

Hakha mino nih Salai Lungtli Tum cu faak ngaiin ralrinnak an pek. Hakha mino nih ralkap uknak duh loin an langhternak kongah Salai Lungthli nih tthihpheihnak le mipi caah zaangdernak a chim pah lengmang mi kongah A tanglei bangin Hakha mino nih ralrin an pek hi si.

Salai Lungthli Tum: Rung Lian Ceu A Sung Hrim Lo, Naga Kalpi Mi Nih A  Sunghter Mi A Si. Zeitin Na Ruah Ve? – Chin World News Evening

 

“Ralrinpeknak Hakha mino hna i tthithruainak ah lungawttawm in umter le hnahnawhpek aa tim mi Salai Lungthli Tum, Hakha mino nih ralrin kan in pek! Tuni thok in Hakha mipi nih dohthlatnak kan tuahnak ah mipi an lung i tthen seh an lung i awttawm seh tiah na hmurka le na catar nak in na langhter rih ahcun na rianttuan, na umkalnak le na nun himnak tiang an hnorsuan khawh timi kha rak i thei. Ralrin kan pek!” Ref: Hakha Campaign For Justice

Relchih: A Nung In Maw A Thi In Dah Kan Hmuh Lai? Ti Lawng Tang! March 27 ni khi zeitin dah a um te hnga? Ralkap an sung thluahmah cang tihi hmuh khawh a si. An minung zong an zawr taktak. State kip ah tlangcung hriamtlai pawl nih an thah hna. Atu i an piahtana pakhat cu khuapi chungah an langsar ngai nain states ah ralkap an tam ti lo. Cu hlan cu AA KIA KNU pawl he an i kah tikah Yangon Naypyidaw lei in ralkap an kuat peng tawn nain tutan hi kuat ding an ngei ti lo. An sung hrimhrim ti a lang.

Pahnihnak atu ralkap Uniform aa hrukmi 4 ah 1 khi cu ralkap taktak an si lo. Nizan Yangon khua chung zongah ralkap Uniform aa hrukmi Nu tampi ralkap muisam keng lomi an hmuh len hna. Hakha lila zongah a si ve. Palik le ralkap uniform aa hrukmi nu an tampi. Monywe zong ah si kho. Hmun tampi ah ralkap zong a tuan bal lomi training hmanh a tuah bal lomi minung pawl ralkap nih hramhram in mipi dohnak ah an hman hna. An thazaang aa phazo ti lo.

Cu lakah nizan Asean ram uk pawl online tonnak an tuahmi ah Misual Min Aung Hlaing cu a rak lang ve sawk nain cu hlan a langhnak hmun a si lo. A langh ning zong ningcang tlai lo tuk. A fiangmi cu aa thuhnak vawlei or rili tangin rak langh dawh si. Cheukhat chimnak ah rili tang Kawlram in meng 1000 leng a hlatnak in a si. A thutnak khan dal a hnulei vampang tinbawsii hmanh a ro lo tiah google zoh thiammi hna nih an chim.

Min Aung hi a luat hrimhrim lai lo. A nung in maw an tleih lai. A ruak in dah ti lawng a tang. March 27 hi ralkap ni a si caah Min Aung Hliang nih minh khun a chim tawn. Tutan hi a chim ngam lai maw. Leng ah a chuak ngam taktak hnga maw timi ruah ding um. A chuah cun thih. A chuah lo sual sile a kuttang nih an zum in an bochan ti lai lo an hnu ah an chit tak khawh. A hlat in nawl pek tung i amah a langh tung lo cun cucu ralkap phung si ti lo. Ralkap nih khi ralkap caah a biapi tuk ralkap le an hriamnam langhter ni an thazaang show tuah ni a si.

Atu zong ah KNU sin ah ralkap le palik tampi an zam cang. Azammi 1000 leng an si. Ralkap le palik zong an i tel tiah Pa Du Saw Tu nih RFA ah a chim. Cucaah ralkap hi an sung cang.. Caan sau an dir kho ti lai lo. Mipi nih kan doh hna R2P nih luhhnawh timh hna. Asean zong nih an rawt chih. US- UK- India Japan- Australia- Japan le France S. korea nih tuk ding in an hngah fawn. Cattialtu: Saya Tluang Ceu Thang

Leave a Reply