Na Nun Hi Zoh Ah Zaangfaak Tuk A Si! Bawipa Sinah Hung Kir Cang: K Lalthan Mawia

Chin News

Saya Van Tum cu “K Lalthan Mawia” nih faak ngaiin lehnak a tuah cang. Nangmah hi mi piangthar bantukin nai um ter i, ca na ttial/post zongah Pathian bia hmangin na post nain mikahnak le thangchiatnak ah na hman. Pathian zei ah na rello, zaangfak tuk na si. A nungmi Pathian zeirel loin na um i, setan na dirpi, Bawipa sinah kir cang, tiah faak ngaiin a ti.

Image may contain: 2 people, people smiling

K Lalthan Mawia: Pathian a dohtu na si ti hi fiangte in nai hngal maw Pathian cathiang hmangin ca na von post hi Pathian zei na rello zia le Setan na tanh zia hi fiangte in a lang. Pathian nih thleidannak a um ti lo tiin an chimh mi hi Thlarau lei zungzal nunnak kong a chimh mi tu hi asi. Nu pawl hi Pa pawl lu cunglei ah um dingin Pathian an ka cawnpiak hrim2 lo.

Unaupa kan zaangfak ngai, Thlarau mit a ceumi Laimi an tamtuk dakaw? Zei bantuk zia le minung ka si ti hi nangmah le nangmah na vun in langhter lengmang, kan in zaangfah taktak. Pathian sinah kirthan ko mu? Bawipa nih an ngaihthiam duh tuk aw.

Van Tum ttialmi. A voi 46nak US president thar, Joe R. Biden le Vice-president, Kamala Harris lawmhpinak ah: US rampi thimnak cu a ropui in a sunglawi ko. Vawlei cung pumpi nih buaipi cio a si ko. UK ram thimnak ah kan buai bel lo. Russia ram thimnak kong zongah kan buai bello. India, Tuluk, le Japan ram thimnak kong zongah kan buai bel hna lo. US ram thimnak kongah vawlei cung pumpi te an buaimi nih a langhtermi cu vawlei cungah US ram cu a tthawngbik, a rumbik, le a zabik ram a si I Pathian nih a hman ruangah le thlua a chuah ruangah a si ko.

Laimi (Chinmi) zong nu he pa he, cathiam he thiam lo he, buai lulh cio a si ko hi. Zei huaha thei loin, mi volhpamh le holh chiakha le khawmenh ttha lo he a rak buai tawk zong an um len ve. Trump nih kum 4 a pehtthan lai tiah profet bantuk in nan nolh lengmang mi cu atu zingah Florida lei panh in nan pupu cu a kal cang. Biden le Harris biakam thlacam piaknak zong Pathian thawng in tluang tein le buaibainak um lo tein an lim khawh cang. Zoh an dawh bak.

Biden le Harris luhnak puai cu mitlawm te lawng an I tel kho nan a sunglawi bak. Thlacamtu zong a men lo, “Halleluiah” voihnih bak a nolh. Trump ttanhtu pawl uarci bak a si. Poem reltu nute zong a thiam bak. Gaga le Lopez zong vancung nungak ko an lo thulh. Gaga a hniphur hruk le a mui hrim a mak in a ropui ko. Biden biachim le cawlcangh dan hrim uar a um tuk. America rammi zate ca president ttuan ding ciammam. Harris te nupa le chungkhar zong hmuh an nuam.

Buainak nganpi a chuak sual lai ti kan phang cio hna nan dai tein an lim khawh I hna a ngam. Mah belte cu, Trump ttanhtu cheukhat belte zan hngilh kho lo, thikai zual, rawl ei chung pillo, le rianttuan nuam loin a ummi um len dawh an si. Bawipa tu nih in hnem ko hna seh. Trump sunghdan cu US ram tuanbia ah zaangfak bik, zohchia bik, a buai bik, a fakbik, le ningzak bik a si ko ne hi. Atutan, Biden te biakam thlacam luhnak zong Trump le a minung pawl nih Capitol innpi an luhhnawh ruangah minung tampi an chuak ngam lo nan a sunglawi tthiamthiam ve ko. COVID ruang zongah a si fawn.

US sianginn ka rak kai lioah ka hawi le mirang pawl le kan saya te sinah ka rak chim lengmangmi le ka ttial lengmang tawnmi cu US president caah nu zong thim ve ding an si cang ka ti. Mah ka rak chim lengmang cu tthenkhat cu a tling cang ti khawh a si. Atu cu US ram vice-president caah Kamala Harris cu a hmasabik nu ah thim a si cang. Asia thisa le Africa thisa a cawh fawn. Keimah chim ruangah le ttial ruangah a si ka ti duhnak a si lo. Mah hlan vialte kum tampi nu pawl nih an rak chimrel cangmi a si ko. Nan mah an duhnak an chimrel mi le an chunmang chungah ka tel ve ti khawh a si. Mah hlan zongah US ram president caah nu pathum an rak I zuam bel ve cang. Mah hna cu Hillary Clinton (kum 2016), Sarah Palin (kum 2008), le Geraldine Ferraro (kum 1984) an si.

Galati 3:28 chungah kan relmi cu, “Cucaah Judah mi le Jentail mi, sal le luatmi, nu le pa karah zeihmanh thleidannak a um ti lo, Khrih Jesuh he nan I pehtlaihnak thawngin pakhat nan si dih cang.” Joe Biden le Harris cozah ahcun pumkhat bantuk kan si dih cang hna. Nu le pa karlak ah thleidannak a um lo. Sal le miluat a um lo. Biaknak thleidan a um lo. Miphun thleidan a um lo. Biden cozah nih cun minung hi kan za tein Pathian muisam keng in ser dihmi kan si ti a fiang tuk I mah cu a tak in a langhter. Khrih ah pumkhat kan si dihnak a langhter.

A rianttuan pi dingah a thimmi hna lak zongah nu an tor, biaknak dang zong an um fawn. Miphun dang zong an I cawh len fawn. Kei ka nuamh khunnak cu Latino, Asian nu pa 2, le US ram neitu, Native American nu an I tel vemi ruangah a si. Deb Haaland hi US ram neitu miphun (Native America) a si I Secretary of the Interior rian a tlaih lai. Neera Tanden hi India ram nu a si ve I Office of Management and Budget Director rian a tlaih ve lai. Katherine Tai hi Taiwan (Tuluk) a si I U.S. Trade Representative rian a tlaih lai.

Alejandro Majorkas hi Latino a si I Secretary of Homeland Security rian a tlaih ve lai. Minak miphun (Africa) zong tampi an I tel. Bawi Jesuh vailamtahnak nih miphun thleidannak puanzar a thleh dih bang Biden cozah zongnih vunrang lawng uk duhnak thinlung cu a hrawh dih ve/a thleh dih ve. Kan umnak hmun cio in Biden le Harris cozah uknak thar cu rak lawmhpi cio hna u sih. Pathian nih thluachuah in hmang chin ko hna seh. Biden le Harris kan lawmhpi ve hna. Biden le Harris Laitlang kokek pawl zongnih an in lawmhpi ve hna.

Leave a Reply